ஆண்டனா பற்றிய இலவச புத்தகம்

எட்மாண் போர்டெ அவர்களால் 1952ல் எழுதப்பட்ட ஆண்டனா பற்றிய “ரேடியோ ஆண்டனா என்ஜினியரிங்” எனும் புத்தகமானது தற்பொழுது இலவசமாக இணையத்தில் கிடைக்கிறது. மத்திய அலை, சிற்றலை வானொலிகளைத் தெளிவாக கேட்க எந்த வகையான ஆண்டனாக்களை பயன்படுத்தலாம் போன்ற தகவல்கள் இந்த புத்தகத்தில் படத்துடன் விளக்கப்பட்டுள்ளது. பதிவிறக்கம் செய்ய..

சீன வானொலியின் தலைச்சிறந்த நேயர் மன்றத் தேர்வு

2011ஆம் ஆண்டு சீன வானொலி நிறுவப்பட்ட 70வது நிறைவு ஆண்டாகும். அதேவேளையில் வெளிநாடுகளில் முதலாவது நேயர் மன்றமான ஜப்பான்-பெய்ஜிங் ஒலிபரப்பு நேயர் மன்றம் நிறுவப்பட்ட 50வது நிறைவு ஆண்டாகும். சீன வானொலி நிலையம் தொடங்கிய 70 ஆண்டுகள் நிறைவை முன்னிட்டு வெளிநாடுகளில் உள்ள சீன வானொலி நேயர் மன்றங்களின் வளர்ச்சியை முன்னேற்ற ஜுன் முதல் நாள் தொடக்கம் டிசெம்பர் முதல் நாள் வரையான காலக்கட்டத்தில் சீன வானொலி "உலகளவிலான கொண்டாட்டம் மற்றும் பத்து தலைச்சிறந்த நேயர் மன்றங்களின் தேர்வு"என்னும் நடவடிக்கையை மேற்கொள்ளும். 61 மொழிகளின் சிற்றலை வானொலி, இணையதள வானொலி, நிழற்படங்கள், எழுத்துக்கள், ஒலி, ஒளி முதலிய பல்லூடக வடிவங்களில் சீன வானொலியின் நேயர்களிடையில் இந்த நடவடிக்கை பரப்புரை செய்யப்படுகின்றது. இந்த தேர்வில் கலந்து கொள்ளும் நேயர் மன்றங்களில் தலைசிறந்த பத்து நேயர் மன்றங்களை தேர்ந்தெடுக்க சீன வானொலி சிறப்பு தேர்வு பணியகத்தை நிறுவும்.

இந்த பத்து தலைச்சிறந்த நேயர் மன்றங்கள் பன்னாடுகளிலுள்ள சீனா வானொலி நேயர் மன்றங்களிலிருந்து தேர்ந்தெடுக்கப்படும்.

தேர்வுப் போட்டியில் கலந்து கொள்ளும் சீன வானொலி நேயர் மன்றங்கள் கிளை மன்றங்களோடு சேர்த்து குறிப்பிட்ட எண்ணிக்கையில் இருக்க வேண்டும். அடிக்கடி நேயர்களுடன் தொடர்பு கொண்டு சீன வானொலி நிலையத்தின் பல்லூடகங்கள் மூலம் வழங்கப்படும் நிகழ்ச்சிகளை கேட்க வேண்டும். இதற்கிடையில் சீனப் பண்பாட்டைப் பரவ செய்து, சீன வானொலி நிலையம் பற்றி பரப்புரை மேற்கொள்வது உள்ளிட்ட நடவடிக்கைகளில் ஊக்கத்துடன் கலந்து கொள்ள வேண்டும். சீன வானொலி நிறுவப்பட்டதன் 70வது ஆண்டு நிறைவுக்கான கொண்டாட்டங்களில் கலந்து கொள்ள நேயர்களை ஏற்பாடு செய்ய வேண்டும். தேர்வு நிறைவடைந்த பின் பத்து தலைசிறந்த நேயர் மன்றங்கள் பற்றிய விபரமான தகவல்கள் சீன வானொலியின் 61 மொழிகளின் ஒலிபரப்பு மற்றும் இணையதளத்தில் வெளியிடப்படும். தேர்ந்தெடுக்கப்படும் பத்து நேயர் மன்றங்களுக்கு 2011 தலைச்சிறந்த வெளிநாட்டு நேயர் மன்றம் என்ற பெருமை வழங்கப்படும். இவ்வாண்டு டிசெம்பர் திங்கள் சீனாவுக்கு வந்து பரிசளிப்பு விழாவில் கலந்து கொள்ள தேந்தெடுக்கப்படும் நேயர் மன்ற பிரதிநிதிகளுக்கு அழைப்பு விடுக்கப்படும். அதேவேளை சீன வானொலி நிலையத்தின் கொண்டாட்டத்திலும் இதர சுற்றுலா பயணத்திலும் அவர்கள் கலந்து கொள்வர்.

இப்போது உலகில் பரவியுள்ள சீன வானொலி நிலையத்தின் நேயர் மன்றங்களின் மொத்த எண்ணிக்கை 3165ஐ எட்டியுள்ளது. இவற்றில் சிற்றலை வானொலி நேயர் மன்றங்களும் இணையபயன்பாட்டாளர் மன்றங்களும் உள்ளன. கடந்த பல ஆண்டுகளில் சீன வானொலி நிலையத்தின் நேயர் மன்றங்கள் சீனப் பண்பாட்டை பரவல் செய்து, சீன வானொலி நிலையத்தை பரப்புரை செய்து சீனாவுடனான பல்வேறு நாடுகளின் புரிந்துணர்வையும் நட்பையும் முன்னேற்றுவதில் ஆக்கமுள்ள பங்கை வெளிக்கொணர்ந்துள்ளன.

தலைச்சிறந்த நேயர் மன்றத் தேர்வில் கலந்துகொள்ளும் அமைப்புக்கள்

உலகிலுள்ள சீன வானொலியின் நேயர் மன்றங்கள்

காலம்:

2011ஆம் ஆண்டு ஜூன் முதல் நாள்- டிசம்பர் முதல் நாள்

கோரிக்கைகள்:

இன்றியமையாத நிபந்தனைகள்:

சரியான மன்ற அமைப்புமுறை இருக்க வேண்டும்;

சீன வானொலியின் நிகழ்ச்சிகளைக் கேட்குமாறு அடிக்கடி நேயர்களை திரட்ட வேண்டும்;

சீனா மற்றும் சீன வானொலிக்காக அடிக்கடி பரப்புரை மேற்கொள்ள வேண்டும்

சிறப்பு கோரிக்கைகள்:

1. செய்தி ஊடங்களில் சீன வானொலி மற்றும் சீன பண்பாட்டை பரவல் செய்து, ஒலி மற்றும் ஒளிப்பதிவுகளையும், கட்டுரைகளையும், படங்களையும் வெளியிடுவது.

2. சீன வானொலி நிறுவப்பட்ட 70 ஆண்டு நிறைவுக்காக, நேயர் மன்றங்கள் இடம்பெறுகின்ற நாட்டின் முக்கிய பிரமுகர்களின் வாழ்த்துக்களைப் பெறுவது

3. முக்கியபிரமுகர்கள் நேயர் மன்றத்தில் சேர்வதையும், நேயர் மன்ற நடவடிக்கைகளில் கலந்துகொள்வதையும் உத்தரவாதம் செய்வது.

4. சீன வானொலி நிறுவப்பட்ட 70 ஆண்டு நிறைவைத் தலைப்பாகக் கொண்டு, அதிக செல்வாக்கு மிகுந்த நடவடிக்கைகளை நடத்துவது. சீன வானொலி நிலையம் நடத்தும் பொது அறிவு போட்டியில் கலந்துகொள்வது.

5. பரப்புரை ஒளிப்பதிவைத் தாயாரிப்பது, நேயர்களுக்கான இதழ்களை வெளியிடுவது.

இந்த தேர்வில் கலந்து கொள்ளும் அமைப்புகள், 2011ஆம் ஆண்டு ஆக்ஸ்டு திங்கள் முதல் நாளுக்கு முன், தேர்வு செய்யப்படும் கேரிக்கைகளுக்கு உகந்த தகவல்களை வழங்கி விட வேண்டும்.

விருதுகள்

1. தேர்வு செய்யப்பட்ட பத்து நேயர் மன்றங்களுக்கு, 2011ஆம் ஆண்டு தலைச்சிறத்த நேயர் மன்றம் என்னும் பட்டம் வழங்கப்படும். இந்த நேயர் மன்றங்களின் பிரதிநிதிகள், 2011ஆம் ஆண்டு டிசம்பர் திங்களில் சீனாவுக்கு வந்து, விருது வழங்கும் நிகழ்ச்சியில் கலந்துகொண்டு, சீன வானொலியின் கொண்டாட்ட நடவடிக்கைகளிலும், வேறு பயணங்களிலும் கலந்துகொள்ளலாம்.

2. தலைச்சிறந்த நேயர் மன்றங்களுக்கும், மிகவும் மதிப்புள்ள பங்காற்றிய அமைப்புகளுக்கும் ஊக்கத்தொகை வழங்கப்படும் (3000~10000 ரென்மின்பி யுவான்)

தொடர்பு:

+861068892363

tamil@cri.com.cn

TAMIL SERVICE, CRI-9

CHINA RADIO INTERNATIONAL

P.O.Box 4216, BEIJING

P.R.CHINA 100040

All India Radio, Vishakapatinam

Want to see some more pictures of AIR and Gyanvani Vishakapatinam, then click here

லண்டனில் புதிதாக ‘ஐ.எல்.சி. தமிழ்’ வானொலி

இலங்கைத் தமிழர்களால் லண்டனில் புதிதாக 'ஐ.எல்.சி. தமிழ்' என்ற பெயரில் வானொலியைத் தொடங்கியுள்ளனர். இது தற்பொழுது 558 கிலோ ஹெர்ட்ஸ் மத்திய அலைவரிசையில் ஒலிபரப்பி வருகிறது. இப்பொழுது இந்திய நேயர்களும் இவர்களின் நிகழ்ச்சியை 24 மணி நேரமும் இணையத்தினில் கேட்கும் வசதியினை ஏற்படுத்தியுள்ளனர். முகவரி: www.ilctamil.co.uk (மின்னக்கல் செல்வராஜ்)

ரேடியோ மரியாவில் தமிழ்

கத்தோலிக்க ஒலிபரப்பு நிறுவனம் 'ரேடியோ மரியா' என்ற பெயரில் தற்பொழுது 54 நாடுகளில் தனது சேவையைச் செய்து வருகிறது. விரைவில் இது புதிதாக 65 மொழிகளில் தனது சேவையைத் தொடங்கவுள்ளதாக அறிவித்துள்ளது. இதில் தமிழும் நிச்சயம் இடம்பெறலாம் என நோக்கர்கள் கருதுகிறார்கள். (மின்னக்கல் செல்வராஜ்)

வெரித்தாஸ் தமிழ்பணியின் புதிய இணைய முகவரி

வெரித்தாஸ் தமிழ்பணியின் புதிய இணைய முகவரி: www.rveritas-asia.org/tamil நமது வெரித்தாஸ் வானொலியும் தனது நேயர்களுக்கு QSL வண்ண அட்டையை தனது நேயர்களுக்கு அனுப்பி வருகிறது. ஆனால் அதற்கு நீங்கள் வான் அஞ்சலில் கடிதம் எழுத வேண்டும்.

Mr. Alex Movilla,

Technical Engineer,

Audience Research,

P.O. Box: 2642,

Quezon City,

Manial 1166,

Philipines.

Email: rvaprogram@rveritas-asia.org

(Fr. Jerom, RVA Tamil)

வானொலிகள் அனுப்பியவை

எமக்கு வந்தவை

 பல்கேரியா: ரேடியோ பல்கேரியா - புதிய நிகழ்ச்சிநிரல் பட்டியல்.
 இந்தியா: பீபா வானொலி – 2011 நாள்காட்டி மற்றும் புதிய நிகழ்ச்சிநிரல் பட்டியல்.
 தைவான்: ரேடியோ தைவான் இண்டர்நேசனல் – நியூஸ் லெட்டர் மற்றும் நிகழ்ச்சிநிரல் பட்டியல்.
 ஜெர்மனி: ரெய்ன் மெய்ன் ரேடியோ கிளப் – செயின்ட் ஹெலினா வானொலிக்கான சிறப்பு வண்ண அட்டைகள்.
 அமெரிக்கா: ரேடியோ ப்பீரீ ஆசியா – ஆர்.எப்.ஏ-வின் 14வது ஆண்டு சிறப்பு வண்ண அட்டை, 2011 மாதாந்திர நாள்காட்டி, 2011 வருடத்திற்கான டைரி.
 நெதர்லாந்த்: ரேடியோ நெதர்லாந்த் - புதிய நிகழ்ச்சிநிரல் பட்டியல், புதிய வடிவிலான ஸ்டிக்கர், 2011 ஸ்டிக்கர் நாள்காட்டி, வண்ண அட்டை.
 இந்தியா: அகில இந்திய வானொலி - உள்நாட்டு மற்றும் வெளிநாட்டு ஒலிபரப்புகளின் நிகழ்ச்சிநிரல் பட்டியல்.
 சீனா: சைனா ரேடியோ இண்டர்நேசனல் – சுவற்றில் மாட்டக் கூடிய ஐந்து வகையான பட்டுத்துணியிலான வரைபடங்கள். 2011 வருடத்திற்கான வாழ்த்து அட்டை மற்றும் நாள்காட்டி, சலார் மக்களை மையப்படுத்திய வண்ண அட்டை.
 ஜெர்மனி: வாய்ஸ் ஆப் ஜெர்மனி - 2011ஆம் ஆண்டிற்கான வாழ்த்து அட்டை, புதிய நிகழ்ச்சிநிரல் பட்டியல் மற்றும் மாதாந்திர நாள்காட்டி.
 கொரியா: கொரியன் புராட்காஸ்டிங் கார்பரேசன் - புதிய நிகழ்ச்சிநிரல் பட்டியல், மேசையில் வைக்கக்கூடிய நாள்காட்டி மற்றும் புதிய ஸ்டிக்கர்.
 வத்திகான்: ரேடியோ வத்திகான் – மாதாந்திர வத்திகான் வானொலி செய்தி இதழ்.
 பிலிப்பைன்ஸ்: ரேடியோ வெரித்தாஸ் ஆசியா - 2011 வருடத்திறகான அட்டை வடிவிலான நாள்காட்டி.
 வியட்னாம்: வாய்ஸ் ஆப் வியட்நாம் - புதிய நிகழ்ச்சிநிரல் மற்றம் அலைவரிசைப் பட்டியல், வியட்நாம் தபால்தலைகள்.