SONY உருவான கதை

SONY உருவான கதை - அக்யோ மொரிட்டா (வரலாற்று நாயகர்)

 

இரண்டாம் உலகப்போரினால் உருத்தெரியாமல் சிதைந்துபோன ஒரு தேசம் ஜப்பான். உலகநாடுகளில் அது புரிந்த அட்டூழியங்களுக்கு அமெரிக்கா அணுகுண்டுகள் மூலம் பதிலடி கொடுத்தபோது இனி பல தலைமுறைகளுக்கு அந்த தேசம் தலையெடுக்க முடியாது என்றுதான் உலகம் எண்ணியது. ஆனால் போரில் தோற்றாலும் பொருளாதாரத்தில் தோற்க விரும்பாத ஜப்பானியர்கள் தன்னம்பிக்கையையும் உழைப்பையும் உரமாக விதைத்தனர் ஜப்பானிய மண்ணில் ஒருசில தலைவர்கள் மட்டுமல்ல ஒரு தேசமே தன்னம்பிக்கையோடு எழுந்து நின்று போர் முனையில் காட்டிய வேகத்தை நாட்டை மறுசீரமைப்பதிலும் காட்டினார்கள் விளைவு 30 ஆண்டுகளுக்குள் அமெரிக்காவுக்கு நிகரான பொருளியல் வல்லரசாக உருவெடுத்தது ஜப்பான்.

 

அந்த அதியசத்துக்கு வித்திட்டவர்கள் பலர் இருந்தாலும் ஒருவரின் பெயரை ஜப்பானிய வரலாறு மட்டுமல்ல உலக வரலாறும் என்றென்றும் போற்றும். Made  in japan என்ற வாசகத்தை தாங்கி வரும் எந்த பொருளையும் கண்ணை மூடிக்கொண்டு வாங்கும் அளவுக்கு உலக மக்கள் நம்பிக்கை கொண்டிருக்கிறார்கள் என்றால் அதற்கு முழுமுதற் காரணம் அந்த தொழில் பிரம்மா. அவர்தான் தரக்கட்டுப்பாடு என்ற தாரகமந்திரத்தையும் SONY என்ற புகழ்பெற்ற நிறுவனத்தையும் உலகுக்கு தந்த ஜப்பானிய தொழில் முனைவர் அக்யோ மொரிட்டா.

சிதைந்துபோன ஜப்பானை சீர்தூக்கிவிட உதவிய அந்த தொழில்பிதாமகனின் தன்முனைப்பூட்டும் கதையை தெரிந்துகொள்வோம்.

 

1921 ஆம் ஆண்டு ஜனவரி 26 ந்தேதி ஜப்பானின் மெஹோயா நகரில் குடும்பத்தின் மூத்த பிள்ளையாக பிறந்தார் மொரிட்டா. 400 ஆண்டுகளுக்கு மேலாக சாக்கே எனப்படும் ஜப்பானிய மதுபானம் தயாரிக்கும் தொழிலில் ஈடுபட்டிருந்தது அவரது குடும்பம். மொரிட்டாவும் அதே தொழிலை செய்ய வேண்டும் என விரும்பினார் தந்தை அதனால் பள்ளியில் படித்தபோதே மொரிட்டாவை நிறுவன கூட்டங்களில் கலந்துகொள்ளச் செயதார். சிறுவயது முதலே மின்னியல் பொருள்களை அக்கு வேறு ஆணி வேறாக கழட்டி மீண்டும் பொருத்திப் பார்ப்பதில் அலாதி பிரியம் மொரிட்டாவுக்கு. பள்ளியில் கணிதமும் இயற்பியலுல் அவருக்கு மிக பிடித்த பாடங்களாக இருந்தன.

 

பள்ளிபடிப்பை முடித்ததும் ஒசாக்கா இன்டீரியல் பல்கலைகழகத்தில் சேர்ந்து இயற்பியலில் பட்டம் பெற்றார். அதன்பிறகு ஜப்பானிய கடற்படையில் அதிகாரியாக பணியாற்றினார். அந்த சமயத்தில் மசார் இபுக்கா என்ற பொருளியல் வல்லுநருடன் நட்பு ஏற்பட்டது. இரண்டாம் உலகப்போர் முடிந்ததும் என்ன செய்யலாம் என்று யோசித்தார் மொரிட்டா 14 தலைமுறையாக செய்யபட்டு வந்த தன் குடும்ப தொழிலையே செய்து சவுகரியமான பிரச்சினையில்லாத வாழ்கையை அவர் தேர்ந்தெடுத்திருக்க முடியும். ஆனால் பரம்பரை தொழில் என்றாலும் வளர்ச்சிக்கு இடமில்லாத தொழிலை செய்ய அவருக்கு விருப்பமில்லை. மாறாக உலகத்தையே தன் பக்கமும் ஜப்பான் பக்கமும் திரும்ப வைக்க வேண்டும் என்ற நெருப்பு அவருக்குள் கனன்று கொண்டிருந்தது.

 

1946 ஆம் ஆண்டு மே 7 ந்தேதி தனது கடற்படை நண்பர் இபுக்காவுடன் சேர்ந்து வெறும் 190 ஆயிரம் யென் அதாவது சுமார் 375 டாலர் மூலதனத்தில் 20 ஊழியர்களை கொண்டு “டோக்கியோ டெலிகம்யூனிகேஷன்ஸ் கார்ப்பரேஷன்” என்ற நிறுவனத்தை தொடங்கினார். அப்போது அவருக்கு வயது 25 தான். குண்டுகள் தொலைத்திருந்த ஒரு பாழடைந்த பகுதிவாரி கடைதான் அவர்களின் தொழில் முகவரி. முதல் நாளிலிருந்தே தொழிநுட்ப ஆய்விலும் புதிய பொருள் உருவாக்கத்திலும் இபுக்கா கவணம் செலுத்த, விற்பனை உலகமயமாதல், நிதி, மனிதவளம் ஆகியவற்றில் கவணம் செலுத்தினார் மொரிட்டா.

 

அந்த நிறுவனம் விரைவாக டேப் ரெக்கார்டர் எனப்படும் முதல் ஒலிப்பதிவு கருவியை உருவாக்கியது. ஆனால் அது மிகப்பெரியதாக இருந்ததால் அதை எவரும் வாங்கமாட்டார்கள் என்பது மொரிட்டாவுக்கு புரிந்தது. போருக்கு பிந்திய காலம் என்பதால் அதிகம் பணம் கொடுத்து வாங்கும் நிலையிலும் ஜப்பானியர்கள் இல்லை. உடனே மொரிட்டாவின் மூளை வேலை செய்தது அமெரிக்காவின் பெல் லேப்ஸ் நிறுவனத்திடமிருந்து டிரான்ஸ்சிஸ்டருக்கான உரிமம் பெற்று சட்டைப்பையில் வைக்ககூடிய அளவிலான சிறியதாக வானொலியை உருவாக்கினார். அமெரிக்காவிடமிருந்து பெற்ற தொழில்நுட்பத்தை கொண்டு புதிய பொருளை உருவாக்கி அமெரிக்கர்களுக்கே விற்பனை செய்யும் அந்த திட்டம் கைமேல் பலன் தந்தது. 

 

சட்டைப்பை வானொலி அமோக வரவேற்பை பெற்றது. அதற்கு காரணம் தரக்கட்டுபாடுக்கு மொரிட்டா கொடுத்த முக்கியத்துவமும் தரக்கட்டுப்பாடுக்கென்றே ஒரு தனித்துறையை உருவாக்கியதுதான். மேலும் தங்கள் பொருள்களுக்கு ஜப்பான் மட்டுமல்ல உலகமே சந்தையாக வேண்டும் என விரும்பினார். அதனால் ஊழியர்களுடன் சேர்ந்து அனைவரும் எளிதில் சொல்லக்கூடிய ஒரு புதிய சொல்லை தேடி அகராதிகளை புரட்டினார்கள். அப்போது அவர்களுக்கு கிடைத்த சொல்தான் சோனஸ். இலத்தீன் மொழியில் சோனஸ் என்றால் ஒலி என்று பொருள் அந்த சொல்லையும் அப்போது அமெரிக்காவில் புகழ் பெற்றிருந்த “சானி பாய்ஸ்” என்ற இசைக்குழுவின் பெயரையும் இணைத்து 1958 ல் நிறுவனத்தின் பெயரை சோனி(SONY) கார்ப்பரேஷன் என்று மாற்றினார் மொரிட்டா.

இரண்டு ஆண்டுகள் கழித்து அமெரிக்காவிலும் நிறுவனக் கிளையை தொடங்கி தன் குடும்பத்துடன் அங்கு குடிபெயர்ந்தார். அதன்பிறகு வாடிக்கையாளர்கள் எதிர்பார்க்காத வித்தியாசமான மின்னியல் பொருட்களை செய்வதில் மொரிட்டா கவணம் செலுத்தினார். அவரது புத்தாக்க சிந்தனைகள் புதிய கலாச்சாரங்களையும் புதிய வாழ்க்கை முறைகளையும் உருவாக்கின. உதாரணத்திற்கு தன் பிள்ளைகளோடு சுற்றுலா செல்லும்போது அவர்கள் பெரிய டேப் ரெக்கார்டர் கொண்டு வருவதை கவணித்தார். அதன் அசெளவுகரியம் அவரது சிந்தனையைத் தூண்டியது. போகும் இடத்திற்கெல்லாம் எடுத்துச்செல்லும்படியாக அளவை சுருக்கினால் என்ன என்று சிந்தித்தார். அவரது சிந்தனையில் வாக்மேன் உதித்தது.

அந்த முயற்சியில் அவர் ஈடுபட்டிருந்தபோது அவருக்கு அனுக்கமானவர்கள் என்ன சொன்னார்கள் தெரியுமா? ஒலிவாங்கியை எவன் காதில் மாட்டிக்கொண்டு நடப்பான் உலகம் பைத்தியம் என்று சொல்லும் எனவே அது விற்பனையாகாது என்று ஆரூடம் கூறினர். ஆனால் எதிர்காலத்தையே உருவாக்கும் தைரியம் கொண்ட ஒரு மனிதனை வெறும் ஆரூடங்கள் என்ன செய்துவிட முடியும். 

 

1976 ஆம் ஆண்டு வாக்மேன் சந்தைக்கு வந்தது. உலகம் முழுவதும் இளையர்களை அது கொள்ளை கொண்டது. பிறகு மொரிட்டாவின் சாம்ராஜ்யம் அசுர வேகத்தில் வளரத் தொடங்கியது. தொலைக்காட்சி, வீடியோ ரெக்கார்டர் என பல மின்னியல் பொருட்களை உருவாக்கி உலகுக்கு அறிமுகம் செய்தது சோனி நிறுவனம். மொரிட்டாவின் தலமையில் 1970 ஆம் ஆண்டில் நியூயார்க் பங்கு சந்தையில் இடம்பெற்ற முதல் ஜப்பானிய நிறுவனம் என்ற புகழைப்பெற்றது சோனி. அதன்பிறகு சோனி நிறுவனம் பல்வேறு தொழில்களில் கால்பதித்தது. 2000 ஆண்டு கணக்கெடுப்பின்படி அமெரிக்கர்கள் கொக்கோ-கோலாவை விட சோனியைத்தான் தங்களுக்கு ஆக பிடித்த சின்னமாக தேர்ந்தெடுத்தனர்.     

 

அமெரிக்காவில் மட்டுமல்ல உலகம் முழுவதும் SONY என்ற பெயர் பிரபலனமானது. நேரத்தை பொன்போல் கருதி கடுமையாக உழைத்த மொரிட்டா எப்போதுமே சுறுசுறுப்பாக இருப்பார். அவருக்கு 60 வயதானபோது நீர்சருக்கு, ஸ்கூபா முக்குளிப்பு டென்னிஸ் ஆகிய விளையாட்டுகளை கற்றுக்கொண்டார். ஓவியத்தையும் இசையையும் அதிகம் நேசித்தார். மொரிட்டாவுக்கு 72 வயதானபோது ஒருநாள் காலை டென்னிஸ் விளையாடி கொண்டிருந்தபோது வாதம் ஏற்பட்டது உடல்நலம் பாதிக்கப்பட்ட அவர் எல்லா பொருப்புகளிலிருந்தும் விலகினார்.   

 

மொரிட்டாவுக்கு அடுத்து சோனி நிறுவனத்தின் தலைமை பொறுப்பை ஏற்றவர் யார் தெரியுமா? மொரிட்டாவின் நிறுவனம் முதன்முதலில் தயாரித்து வெளியிட்ட டேப் ரெக்கார்டர் தரம் குறைவாக உள்ளது என்று குறைகூறி கடிதம் எழுதிய நொரியோ ஓஹா என்பவர். குறை கண்டவரிடமே நிறை கண்டு அவரை உடனடியாக தன் நிறுவனத்தில் சேர்த்து கொண்டு பாதுகாத்து வளர்த்து பின்னர் அவரிடமே தன் தலமை நிறுவன பொருப்பை ஒப்படைத்தார் தொலைநோக்கு கொண்ட மொரிட்டா.   

 

தரம்தான் நிரந்தரம் என்பதை உலகுக்கு உணர்த்திய அக்யோ மொரிட்டா 1999 ஆம் ஆண்டு அக்டோபர் 3 ந்தேதி தனது 78 ஆவது வயதில் டோக்கியோவில் காலமானார். அவர் இறந்தபோது பாக்ஸ் சஞ்சிகையில் உலக பணக்காரர் பட்டியலில் அவருக்கு 386 ஆவது இடம் கிடைத்தது. அப்போது அவரின் சொத்தின் மதிப்பு 1300 மில்லியன் டாலர். டைம் சஞ்சிகை வெளியிட்ட 20 ஆம் நூற்றாண்டின் தலைசிறந்த தொழில் முனைவரின் பட்டியலில் அமெரிக்கர் அல்லாத ஒரே ஒருவர் அக்யோ மொரிட்டாதான்.  

 

உலகமய தொழில்துறைக்கு அவர் ஆற்றிய பங்கை அங்கீகரிக்கும் வகையில் இங்கிலாந்தின் மிக உயரிய ஆல்பர்ட் விருது ஃப்ரான்ஸின் ஆக உயரிய லெஜெண்ட் ஆப் ஹானர் விருது, ஜப்பானிய மன்னரின் பர்ஸ்ட் க்ளாஸ் ஆர்டர் ஆகிய விருதுகளும் இன்னும் பல எண்ணிலடங்கா விருதுகளும் அவரை நாடி வந்திருக்கின்றன. அந்த தொழில் பிரம்மாவின் கதையை முழுமையாக தெரிந்துகொள்ள வேண்டுமா? Made in japan என்ற அவரது சுயசரிதையை படித்துப்பாருங்கள்.  

1966 ஆம் ஆண்டில் அவர் Never-mind School Records என்ற இன்னொரு புகழ்பெற்ற நூலையும் எழுதினார். அதில் வாழ்க்கையிலும் தொழிலிலும் வெற்றிப்பெற பள்ளியில் வாங்கும் மதிப்பெண்கள் முக்கியம் அல்ல என்று வாதிடுகிறார். அதாவது ஆர்வம்தான் படைப்புத்திறனுக்கான திறவுகோல் என்பது மொரிட்டா நமக்கு விட்டு சென்றிருக்கும் உன்னதமான பொன்மொழி. எதையுமே ஆர்வத்துடனும் நம்பிக்கையுடனும் தொலைநோக்குடனும் செய்ததால்தான் அக்யோ மொரிட்டாவுக்கு அந்த வானம் வசப்பட்டது.

 

மொரிட்டாவைப்போல நாமும் ஆர்வம், நம்பிக்கை, விடாமுயற்சி தொலைநோக்கு ஆகியவற்றை காட்டினால் எந்த வானமும் நிச்சயம் நமக்கும் வசப்படும்.    

Source: http://www.yarl.com/

"ஆகாஷவாணி" "வானொலி" ஆன வரலாறு

மாணவர்களிடம் தமிழ் மொழிப்பற்று உணர்வை ஆசிரியர்கள் வளர்த்திட வேண்டும் என்று ஆசிரியர் தின வாழ்த்துச் செய்தியில் திமுக தலைவர் கருணாநிதி வலியுறுத்தியுள்ளார்.

அவர் இன்று வெளியிட்ட வாழ்த்துச் செய்தியில், "ஆசிரியப் பணிபுரிந்து, அறிவாற்றலால் உயர்ந்து, தம் சான்றாண்மைக் குணங்களால் சிறந்து, சுதந்திர இந்தியாவின் முதல் குடியரசுத் துணைத் தலைவராகவும், பின்னர் இரண்டாவது குடியரசுத் தலைவராகவும் விளங்கிப் புகழ் படைத்தவர் டாக்டர் எஸ். ராதாகிருஷ்ணன். அவர்தம் பிறந்த நாள் - செப்டம்பர் 5ஆம் நாள் நாட்டின், "ஆசிரியர் நாள்" என - ஆசிரியப் பெருமக்களின் அரிய தொண்டுகளைப் போற்றி ஆண்டுதோறும் எழுச்சியுடன் கொண்டாடப்படுகிறது.

இந்நன்னாளில் அடுத்த தலைமுறை மக்களை அறிவிலும், ஆற்றலிலும், செயல்பாட்டுத் திறனிலும், சீரிய பண்பாட்டு உணர்விலும் சிறந்தவர்களாக உருவாக்கிடும் திருப்பணியில் வாழ்நாள் முழுதும் தொண்டுகளாற்றிடும் பெருமைக்குரிய ஆசிரியப்

பெருமக்களுக்கு அரசு சார்பில் "டாக்டர் எஸ்.ராதாகிருஷ்ணன் விருது" வழங்கிப் பெருமைப்படுத்தப்படுகிறது.

ஆசிரியர் சமுதாயம் முழுதும் மகிழும் வகையில், "நல்லாசிரியர் விருது" என வழங்கப்பட்ட விருதின் பெயரை, 1997இல் "டாக்டர் எஸ்.ராதாகிருஷ்ணன் விருது" என்றும், விருதுக்குரிய பரிசுத் தொகை ரூ.500 என்பதை 1989இல் ரூ.1,000 என்றும், 1997இல் ரூ.2,000 என்றும், பின் 2008இல் ரூ.5,000 என்றும் உயர்த்தியது திராவிட முன்னேற்றக் கழக அரசே என்பதை இவ்வேளையில் நினைவுபடுத்துகிறேன்.

"ஆசிரியர்கள் ஏங்கினால் வகுப்பறைகள் தேங்கும்" என்று கூறிய அண்ணாவின் மணிமொழியை இதயத்தில் தாங்கி, ஆசிரியர் சமுதாயத்திற்கு அளவிலாச் சலுகைகள் பலவற்றை வழங்கியது திராவிட முன்னேற்றக் கழக அரசு.

19 ஆண்டுகால முதலமைச்சர் பொறுப்பில் நான்கு ஊதியக்குழுக்களை அமைத்து; அவற்றின் பரிந்துரைகளை நடைமுறைப்படுத்தி ஆசிரியர், அரசு ஊழியர் குடும்பங்களின் சமூக, பொருளாதார நிலைகளை உயர்த்தி, அவர்களின் வாழ்க்கைத் தரம் மேம்பட வழிவகுத்தவன் நான் என்பதில் பெருமிதம் அடைகிறேன்.

அதேநேரத்தில் 2001ல் அமைந்த அ.தி.மு.க. அரசு, கழக அரசு அளித்த சலுகைகளை எல்லாம் பறித்துக் கொண்டதால் அதை மீண்டும் வழங்கக்கோரி போராடிய ஆசிரியர்கள், அரசு ஊழியர்கள் மீது அடக்குமுறைகளை ஏவி, நள்ளிரவு என்றும், பெண்கள் என்றும் பாராமல் வீடுபுகுந்து அவர்களைக் கைது செய்து சிறையில் அடைத்ததையும்; அத்துடன் அந்த அரசு ஒரே கையொப்பத்தில் 1 லட்சத்து 71 ஆயிரம் ஆசிரியர்களுக்கும், அரசு ஊழியர்களுக்கும் நிரந்தரமான வேலை நீக்கத்தைப் பரிசாகத் தந்ததையும் எவரும் மறந்திட முடியாது.

தற்போது அ.தி.மு.க. ஆட்சியில் ஆசிரியர் நியமனங்களிலும், மாறுதல்களிலும், வெளிப்படைத் தன்மையே அற்றுப் போய் விட்டதோடு, ஏராளமான குளறுபடிகளும் நுழைந்து விட்டன. தங்களுடைய குறைகளைத் தெரிவித்துப் போராடும் ஆசிரியப் பெருமக்களை ஆட்சியினர் சந்திக்க மறுப்பதும், அதன் காரணமாக விரக்தியடைந்து ஆசிரியர்கள் தற்கொலைக்கு முயற்சிப்பதும் மிகுந்த வேதனையைத்

தருகிறது. அந்த அ.தி.மு.க. ஆட்சிபோல் அல்லாமல் ஆசிரியர், அரசு ஊழியர் நலனில் என்றும் அன்பும், அக்கறையும்; கனிவும், கரிசனமும் கொண்டு எண்ணற்ற நலத்திட்டங்களையும், ஏராளமான சலுகைகளையும் வழங்கியவன் நான் என்பதைச் சுட்டிக்காட்டிட விரும்புகிறேன்.

பல தமிழ் சான்றோர்களும் ஊட்டிய தன்மான உணர்வுகளால் தமிழக நலன்கருதி தமிழ் மொழி, இனச் சிந்தனைகள் செழித்தது. மறைந்து கொண்டிருந்த தமிழ் மொழியை மீட்கும் வகையில் பல்லாண்டு காலம் போரிட்டு உயிர்ப்பலி தந்து தமிழகத்தில்

நடைமுறையில் இருந்த "ஆகாஷவாணி" என்பதை "வானொலி" என்றும்; "பிராந்திய செய்திகள்" என்பதை "மாநிலச் செய்திகள்" என்றும்; "லோக்சபா" என்பதை "மக்களவை" என்றும்; "கனம் மந்திரி" என்பதை "மாண்புமிகு அமைச்சர்" என்றும்; "சட்டசபை" என்பதை "சட்டமன்றம்" என்றும் இவைபோல் வடசொல் ஆதிக்கத்திலிருந்து பல்லாயிரக்கணக்கான தமிழ்ச் சொற்களை மீட்டெடுத்து, புழக்கத்தில் கொண்டு வந்து - எல்லாம் தமிழாகி படிப்படியாக வடசொல்லாதிக்கம் கட்டுப்படுத்தப்பட்டுள்ளது.

தேசியம் என்ற பெயரில், "ஆசிரியர் நாள் விழா" என நாம் அழைத்து வரும் தமிழ்ச் சொற்றொடர் மதிப்பிழக்கும் வகையில், "குரு உத்சவ்" எனும் வடசொல் தமிழகப் பள்ளிகளில் புகுத்தப்படுகின்ற கொடுமை தற்போது அரங்கேற்றப்படுகிறது. இதை சாதாரணமாக ஏற்றுக்கொள்ள முடியாது.

இந்நிலையில், வளரும் பிஞ்சுக் குழந்தைகள் நெஞ்சில் அறிவு வளர்ச்சிப் பயிர் செய்திடும் பொறுப்பில் உள்ள ஆசிரியப் பெருமக்கள் நாட்டுப் பற்று உணர்வை வளர்த்திட வேண்டும். தமிழ் மொழிப்பற்று உணர்வை வளர்த்திட வேண்டும். தமிழகத்தின் நலனை - தமிழ்ச் சமுதாயத்தின் தன்மானத்தைக் காக்கும் பொறுப்பினையும் மேற்கொண்டிட வேண்டும் என்பதை எனது வேண்டுகோளாகத் தெரிவித்து; தமிழக ஆசிரியப் பெருமக்களுக்கு திராவிட முன்னேற்றக் கழகத்தின் சார்பில், எனது "ஆசிரியர் நாள்" நல்வாழ்த்துகளை உரித்தாக்குகிறேன்" என்று கருணாநிதி கூறியுள்ளார்.

நன்றி  http://tamil.thehindu.com/

Published: September 4, 2014 13:24 IST

வ.ரா. வானொலியில் ஆற்றிய உரை

 

‘மனிதன் தெய்வத்தன்மை அடைய முடியும் என்று உறுதியாக நம்புகிறேன். தெய்வத்தன்மை மனிதனுக்குள்ளே இருக்கிறது. அதை சோபிக்கச் செய்வது தான் இலக்கியத்தின் கடமையாகும். அதற்கான முறைகளிலே தான் எழுத்தைச் சித்திரித்துக் கொண்டு போக வேண்டும். அற்ப விஷயங்களையும் சில்லறைத் தகராறுகளையும் பற்றி எழுத்தில் எதிர்பார்ப்பது, இலக்கியத்தை புண்படுத்துவதாகும்..'

இதுதான் 'மணிக்கொடி' மூலவர்களில் ஒருவரும், பாரதியின் தனிப்பெரும் சீடர்களில் ஒருவராகவும் விளங்கிய வ.ரா என்றழைக்கப்பட்ட வ.ராமசாமியின் இலக்கிய சித்தாந்தமாகும்.

தஞ்சை மாவட்டம் திருவையாறுக்கு அருகிலுள்ள திருப்பழனம் கிராமத்தைச் சேர்ந்த வைணவக் குடும்பமொன்றில் செப்டம்பர் 17,1889-ம் ஆண்டு பிறந்தார் வ.ரா. 1905-ல் மெட்ரிகுலேஷன் தேர்வில் முதல் வகுப்பில் தேர்ச்சி பெற்று கல்லூரியில் நுழைந்த போதே, இந்திய தேசிய விடுதலை இயக்கத்தால் ஈர்க்கப் பெற்றார். பிரபல தேசபக்தர் கொடியாலம் ரங்கசாமி ஐயங்காரின் தொடர்பால், 1910-ல் பாண்டிச்சேரி சென்று, அங்கிருந்த அரவிந்தரையும், பாரதியையும் சந்தித்தபோது அவரது வயது 21.

1911-லிருந்து 1914 வரை பாரதியின் வீட்டிலும், பின்னர் அரவிந்த ஆசிரமத்திலும் தங்கி அவர்களோடு மிக நெருக்கமாகப் பழகி, அவ்விருவரின் வாழ்க்கைத் தத்துவத்தையும், பணிகளையும் நன்கறிந்துகொண்டு, தன் சொந்த கிராமத்திற்குத் திரும்பினார். பாரதியின் மேல் கொண்டிருந்த மட்டற்ற பற்றினால், பெண் விடுதலை பற்றிய பாரதியின் கோட்பாடுகளைப் பிரதிபலிக்கும் வகையில், பால்ய மணத்தை எதிர்த்தும், விதவை மறுமணத்தை ஆதரித்தும் ‘சுந்தரி' என்கிற தன்னுடைய முதல் நாவலை 1915-ல் எழுதினார்.

இதைத் தொடர்ந்து, ‘கோதைத் தீவு, விஜயம்' ஆகிய நாவல்களை அவர் படைத்தார். ‘மகாகவி பாரதி' நூலும், ‘மழையும், புயலும்' கட்டுரைத் தொகுப்பும், ‘நடைச்சித்திரம், வாழ்க்கை விநோதங்கள்' ஆகிய குணசித்திரப் படைப்புகளும், ‘கற்றது குற்றமா?' என்கிற சிறுகதைத் தொகுப்பும், ‘வ.ரா. வாசகம்' என்கிற நூலும், பாரதியின் மெய்யான வழித்தோன்றல் அவர் என்பதை மெய்ப்பிக்கின்றன.

1933-ல் ‘மணிக்கொடி' சீனிவாசன், டி.எஸ்.சொக்கலிங்கம் ஆகியோருடன் உப்புச் சத்தியாகிரகத்தில் பங்கேற்று, சிறைவாசம் சென்றார் வ.ரா. இவ்விருவருடன் இணைந்து செப்டம்பர் 17, 1933-ல் ‘மணிக்கொடி' எனும் வார இதழைத் தொடங்கி, அதன் ஆசிரியர் குழுவிலொருவராகப் பணியாற்றினார். இவ்விதழின் முதற்பணி பாரதியைப் பற்றித் தமிழுலகத்திற்கு எடுத்துச் சொல்வதேயாகும். ‘மணிக்கொடி' ஆசிரியர் பொறுப்பை ஏற்றுக்கொள்வதற்கு முன், ‘சுதந்திரன், ஸ்வராஜ்யா' போன்ற பத்திரிகைகளில் வ.ரா. எழுதி வந்த போதிலும், வாசகர்களின் சிந்தனையைக் கிளறும் வகையிலே புதிய இலக்கிய ரூபங்களை அவர் ‘மணிக்கொடி'யிலேதான் படைத்தார்.

படைப்புத் துறையில் மட்டுமின்றி, விமர்சனத் துறையிலும் தன்னுடைய கருத்துகளை ஆழ்ந்து சிந்திக்கும் வகையிலேயே அவர் படைத்துள்ளார். துணிவு, கோட்பாட்டு உறுதி, மனத்தை மாற்றும் தன்மை - இவைதான் இலக்கிய விமர்சனத் துறையில் வ.ரா.வின் அணுகுமுறையாகும். எழுத்தாளனின் குறைகளை மட்டும் எடுத்துக்காட்டி அவனை எழுதவிடாமல் அடிக்கக் கூடாது என்பதே வ.ரா.வின் கொள்கை.

1938-ல் சென்னை வானொலி நிலையம் ராஜாஜி அவர்களால் தொடக்கி வைக்கப்பட்டது. நிலையத்தின் இயக்குநராக லண்டன் பி.பி.சி.யில் பயிற்சி பெற்ற விக்டர் பரஞ்சோதியும், துணை இயக்குநராக ஜி.டி. சாஸ்திரியும் பணியாற்றினார். ‘மூட நம்பிக்கைகள்' என்கிற தலைப்பில் வ.ரா. வானொலியில் ஆற்றிய உரை, நிலைய இயக்குநர்கள் இருவரையும் ஈர்க்க, அவரை வானொலியில் தொடர்ந்து உரையாற்ற அழைத்தனர். பின்தொடர்ந்த 12 ஆண்டு காலங்களில், சுமார் 120 சொற்பொழிகளை வானொலியில் ஆற்றினார் பெரும்பாலான உரைகள் கிடைக்காமலேயே போனது தமிழிலக்கிய உலகத்தின் துரதிர்ஷ்டம்.

வா.ர. தமிழ் உரைநடை வளர்ச்சியில் ஒரு புதிய சகாப்தத்தைத் தொடக்கினார். 62வது வயதில் 1951-ம் ஆண்டில் ஆகஸ்ட் 23-ம் தேதியன்று காலமான வ.ரா., தமிழ்ப் படைப்பாளிகளுக்கு விட்டுச் சென்றுள்ள அன்புக் கட்டளை இதுதான்:

‘மக்களின் முகத்தைப் பாருங்கள்! அதன் துணை கொண்டு நவீன இலக்கியத்தைப் படையுங்கள்!’

- தொடர்புக்கு: narpavi2004@yahoo.com

Source: http://tamil.thehindu.com/

எஃப்.எம். வானொலியில் செய்தி: மத்திய அரசு பரிசீலனை - ஜாவடேகர்

அகில இந்திய வானொலி நிலையத்தின் மூலம் வழங்கப்படும் செய்தி தொகுப்புகளை தனியார் எஃப்.எம். வானொலிகளில் ஒலிபரப்ப அனுமதி வழங்குவது குறித்து மத்திய அரசு பரிசீலித்து வருவதாக மத்திய தகவல், ஒளிபரப்புத்துறை அமைச்சர் பிரகாஷ் ஜாவடேகர் தெரிவித்தார்.

இதுகுறித்து அவர் தில்லியில் வெள்ளிக்கிழமை நடைபெற்ற நிகழ்ச்சியில் கலந்து கொண்டு பேசியதாவது: தனியார் எஃப்.எம். வானொலிகளில் தற்போது போக்குவரத்து தொடர்பான தகவல்கள், அரசு அறிவிப்புகள் ஆகியவை மட்டுமே ஒலிபரப்ப அனுமதி வழங்கப்பட்டுள்ளது.

செய்திகளைப் பொருத்தவரை அகில இந்திய வானொலியின் செய்தி தொகுப்பை ஒலிபரப்ப எஃப்.எம். வானொலிகளுக்கு அனுமதியளிக்கப்படும். செய்தி தேவைப்படும் எஃப்.எம். வானொலிகள், அகில இந்திய வானொலியிடமிருந்து செய்திகளைப் பெற்றுக் கொள்ளலாம். அதற்கு அவர்களிடமிருந்து கட்டணம் வசூலிக்கப்படும் என்று ஜாவடேகர் தெரிவித்தார்.

SAVE THE LONDON BBC TAMIL BROADCAST

The BBC has decided to close down its popular Tamil Language Broadcast  "ThamilOsai" from London  and transfer the entire operation to New Delhi, early in 2015, after serving for nearly 74 years,  arguing that they do not have funds to continue the service from London. This fails to take account of the need of the Tamil Service to guide the English sections of BBC like the BBC TV and BBC online and more importantly to provide independent and better focus to their Sri Lanka coverage without getting overwhelmed by the regional or Indian news agenda to win over more audiences. It is on the brink of losing its independence and efficiency.

The Sri Lankan audiences still need a global news organisation like BBC Tamil to focus on their continued problems. Though the war has ended, the humanitarian crisis lingers on. The political grievances underlying the conflict have not been addressed. Of late, the country still faces the rise of the Buddhist organisations like BBS, which are terrorising the minorities in the country. The move to Delhi would also limit the access to the Tamil diaspora groups in the west to engage with them.

 

War Coverage:

The BBC Tamil, despite severe restrictions, covered the last phase of the war, though the Sri Lankan government banned the media from entering the war zone.   

Using the London based producers, the Tamil service brought to light the human tragedy that was unfolding in the war zone, through interviews and getting peoples voices from the ground.

 

Stop the Move

There are many more reasons to save the LONDON BBC TAMIL SERVICE; so please, please take a moment to sign this petition. With enough support, we may be able to convey the needs of the Tamil Community to the "Decision Makers". Public pressure can stop the move. Every signature counts!

 

Please add your voice by signing below,

Wimal Sockanathan    Contact the petition author

*First name *Last name *City *Country   Afghanistan  Aland Islands  Albania  Algeria  American Samoa  Andorra  Angola  Anguilla  Antarctica  Antigua and Barbuda  Argentina  Armenia  Aruba  Australia  Austria  Azerbaijan  Bahamas  Bahrain  Bangladesh  Barbados  Belarus  Belgium  Belize  Benin  Bermuda  Bhutan  Bolivia  Bosnia and Herzegovi  Botswana  Bouvet Island  Brazil  British Antarctic Te  British Indian Ocean  British Virgin Islan  Brunei  Bulgaria  Burkina Faso  Burundi  Cambodia  Cameroon  Canada  Canton and Enderbury  Cape Verde  Cayman Islands  Central African Repu  Chad  Chile  China  Christmas Island  Cocos (Keeling) Isla  Colombia  Comoros  Congo (Brazzaville)  Congo (Kinshasa)  Cook Islands  Costa Rica  Croatia  Cuba  Cyprus  Czech Republic  Denmark  Djibouti  Dominica  Dominican Republic  Dronning Maud Land  East Germany  East Timor  Ecuador  Egypt  El Salvador  Equatorial Guinea  Eritrea  Estonia  Ethiopia  Falkland Islands  Faroe Islands  Fiji  Finland  France  French Guiana  French Polynesia  French Southern Terr  French Southern and   Gabon  Gambia  Georgia  Germany  Ghana  Gibraltar  Greece  Greenland  Grenada  Guadeloupe  Guam  Guatemala  Guinea  Guinea-Bissau  Guyana  Haiti  Heard Island and McD  Honduras  Hong Kong S.A.R., Ch  Hungary  Iceland  India  Indonesia  Iran  Iraq  Ireland  Israel  Italy  Ivory Coast  Jamaica  Japan  Johnston Island  Jordan  Kazakhstan  Kenya  Kiribati  Kuwait  Kyrgyzstan  Laos  Latvia  Lebanon  Lesotho  Liberia  Libya  Liechtenstein  Lithuania  Luxembourg  Macao S.A.R., China  Macedonia  Madagascar  Malawi  Malaysia  Maldives  Mali  Malta  Marshall Islands  Martinique  Mauritania  Mauritius  Mayotte  Metropolitan France  Mexico  Micronesia  Midway Islands  Moldova  Monaco  Mongolia  Montenegro  Montserrat  Morocco  Mozambique  Myanmar  Namibia  Nauru  Nepal  Netherlands  Netherlands Antilles  Neutral Zone  New Caledonia  New Zealand  Nicaragua  Niger  Nigeria  Niue  Norfolk Island  North Korea  North Vietnam  Northern Mariana Isl  Norway  Oman  Outlying Oceania  Pacific Islands Trus  Pakistan  Palau  Palestinian Territor  Panama  Panama Canal Zone  Papua New Guinea  Paraguay  People's Democratic   Peru  Philippines  Pitcairn  Poland  Portugal  Puerto Rico  Qatar  Reunion  Romania  Russia  Rwanda  Saint Helena  Saint Kitts and Nevi  Saint Lucia  Saint Pierre and Miq  Saint Vincent and th  Samoa  San Marino  Sao Tome and Princip  Saudi Arabia  Senegal  Serbia  Serbia And Montenegr  Seychelles  Sierra Leone  Singapore  Slovakia  Slovenia  Solomon Islands  Somalia  South Africa  South Georgia and th  South Korea  Spain  Sri Lanka  Sudan  Suriname  Svalbard and Jan May  Swaziland  Sweden  Switzerland  Syria  Taiwan  Tajikistan  Tanzania  Thailand  Togo  Tokelau  Tonga  Trinidad and Tobago  Tunisia  Turkey  Turkmenistan  Turks and Caicos Isl  Tuvalu  U.S. Miscellaneous P  U.S. Virgin Islands  Uganda  Ukraine  Union of Soviet Soci  United Arab Emirates  United Kingdom  United States  United States Minor   Uruguay  Uzbekistan  Vanuatu  Vatican  Venezuela  Vietnam  Wake Island  Wallis and Futuna  Western Sahara  Yemen  Zambia  Zimbabwe  *Email address Show your signature in public?  Yes    No Your email address will never be displayed in public or released to third parties. Source: http://www.petitions24.com/save_the_london_bbc_tamil_broadcast

சில ஆண்டுகளில் தமிழோசை இடை நிறுத்தப்படும் அபாயம்!

பிபிசி தமிழழோசை லண்டனில் இருந்து டெல்லிக்குச் செல்கின்றது!

சில ஆண்டுகளில் தமிழோசை இடை நிறுத்தப்படும் அபாயம்!

75 ஆண்டுகள் தமிழ் கூறும் நல்லுலக மக்கள் மத்தியில் சுயாதீன ஊடகமாக இயங்கிய பிபிசி தமிழோசை இன்னும் சில ஆண்டுகளில் சேவையை இடை நிறுத்திவிடும் ஆபாயத்திற்குள் தள்ளப்பட்டு உள்ளது. இதன் முதற் கட்டமாக பிபிசி தமிழோசை கலையகம் லண்டனில் இருந்து டெல்லிக்கு மாற்றப்பட உள்ளது. 1941 மே 3இல் லண்டன் புஸ் ஹவுஸில் ஆரம்பிக்கப்பட்ட பிபிசி தமிழோசை அடுத்த ஆண்டு மே மாதத்தில் தனது 75வது சேவை நிறைவுக்கு முன்னதாக டெல்லிக்கு கொண்டு செல்லப்பட்டுவிடும் அபாயம் ஏற்பட்டு உள்ளது.

கடந்த காலங்களில் பொருளாதார காரணங்களுக்காக பல பிராந்திய மொழிச் சேவைகளை இடைநிறுத்திய பிபிசி தற்போது அதே பொருளாதார காரணங்களுக்காக தமிழோசையை டெல்லிக்கு நகர்த்த தீர்மானித்து உள்ளது. "அடுத்த சில ஆண்டுகளில் தமிழோசை இடை நிறுத்தப்பட்டாலும் ஆச்சரியப்படுவதற்கில்லை" என்கிறார் Save Our BBC Thamiloosai என்ற போராட்ட குழுவின் பிரமுகர் நியூஹாம் கவுன்சிலர் போல் சத்தியநேசன். "எமது தமிழோசையை லண்டனில் இருந்து வெளியேற அனுமதித்தால் தமிழ் மக்கள் தங்களுடைய தொப்பிள்கொடி உறவுகள் பற்றிய சுயாதீனமான செய்திச் சேவையை இழந்துவிடுவார்கள்" எனத் தெரிவித்த அவர், பிபிசி யின் இந்த முடிவுக்கு எதிராக Save Our BBC Thamiloosai  போராட்டக் குழு கையெழுத்துப் போராட்டம் ஒன்றை நடத்துவதுடன் பிபிசிக்கு முன்பாக ஆர்ப்பாட்டம் ஒன்றையும் நடாத்த முடிவெடுத்து உள்ளதாகத் தெரிவித்தார்.

பிபிசி தமிழோசையை இந்திய திட்டமிடலின் அடிப்படையிலேயே டெல்லிக்கு மாற்றுவதாக பிபிசி உத்தியோகபூர்வமாக அறிவித்து உள்ளது. இலங்கையில் உள்நாட்டு யுத்தம் முடிவடைந்ததைத் தொடர்ந்து அங்கு தமிழோசை கேட்போரின் எண்ணிக்கையில் வீழ்ச்சி ஏற்பட்;டுள்ளதைக் காரணமாகக் கொண்டு தமிழோசையைக் கேட்போரின் எண்ணிக்கையை அதிகரிக்கும் நோக்கமும் இந்த நகர்வில் தங்கியுள்ளது. ஆனால் தமிழோசைக் கலையகத்தை சென்னைக்கு மாற்றாமல் டெல்லிக்கு மாற்றுவது முற்றிலும் பொருளாதார நோக்கத்தின் அடிப்படையே என Save Our BBC Thamiloosai  போராட்டக் குழுவில் உள்ள தேசம்நெற் ஊடகவியலாளர் த ஜெயபாலன் தெரிவிக்கின்றார். அவர் மேலும் தெரிவிக்கையில், இலங்கையில் யுத்தம் முடிவுக்கு வந்திருந்தாலும் ஊடகங்கள் சுயாதீனமாக இயங்க முடியாத நிலை காணப்படுகின்றது. இச்சூழலில் பிபிசி தமிழோசையை டெல்லிக்கு நகர்த்துவதன் மூலம் இலங்கைச் செய்திகள் முக்கியத்தவத்தை இழக்கின்ற அபாயம் உள்ளது" என்றார்.

பிபிசி தமிழோசை இலங்கை ஒலிபரப்புக் கூட்டுத்தாபனத்து}டாக சிற்றலைவரிசையில் ஒலிபரப்பப்பட்டு வந்தது. ஆனால் யுத்தத்திற்குப் பின் போர்க்குற்றங்கள் பற்றிய செய்திகளை ஒலிபரப்பும் போது அவை தொடர்ச்சியாக இடையூறு செய்யப்பட்டதால் அந்த ஒலிபரப்பு பின்னர் இடைநிறுத்தப்பட்டது. இலங்கையில் தமிழோசையை கேட்போரின் வீழ்ச்சிக்கு இதுவும் ஒரு காரணம்.

2016இல் BBC Charter Review இடம்பெற உள்ளது. இதன்போது நிதிச் சேமிப்பு விடயம் பிபிசி இன் சகல முகாமைத்துவத்திலும் மேலும் இறக்கமாக்கப்படும் என எதிர்பார்க்கப்படுகின்றது. இதற்கு தமிழோசை தமிழ் மக்களின் ஆளுமை இல்லாத பகுதிக்கு நகர்த்தப்பட்டால் அச்சேவையை இடைநிறுத்துவது இலகுவாக அமையும் என்பதாலேயே தமிழோசை டெல்லிக்கு நகர்த்தப்படுகின்றது என்ற சந்தேகம் தற்போது வலுவடைந்து வருகிறது.

"2014 முதல் பிபிசி தமிழோசைக்கான நிதி, நேரடியாக தொலைக்காட்சி அனுமதிக் கட்டணத்தில் இருந்தே வழங்கப்படுகிறது. அதனால் பிரித்தானியாவில் வாழ்கின்ற 100,000க்கும் மேற்பட்ட தமிழர்கள் இந்த அனுமதிக் கட்டணத்தைச் செலுத்துவதால் அவர்கள் பிபிசி தமிழோசையை லண்டனில் வைத்திருக்கும உரிமையைக் கோர வேண்டும்" என்கிறார் கவுன்சிலர் போல் சத்தியநேசன்.

கட்டுரை: ஜெயபாலன் த | SEPTEMBER 29, 2014 12:06 PM

Source: http://thesamnet.co.uk/

லண்டன் BBC தமிழோசையைக் காக்க, கை தாருங்கள்..!

                                                                                                                                                                                                             கடந்த 74 ஆண்டு காலமாக லண்டனில் இருந்து இயங்கி வரும் தமிழோசையை இந்தியத் தலை நகர் டெல்லிக்கு நாடு கடத்த BBC நிர்வாகம் முடிவெடுத்துள்ளது.

வாரம் இரண்டு நாள் 15 நிமிட ஒலிபரப்பு என இருந்து வந்த தமிழோசை தினமும் 30 நிமிடம் என வளர்ந்தது இலங்கையில் நடந்த போருடன் சேர்ந்து.

ஆனால் தற்போது சைக்கிள் டைனமோ சக்தியில் செய்தி கேட்ட மக்களை விட்டு தமிழோசையை 'India Policy' எனும் திட்டத்தின் கீழ் இந்திய சாகரத்துக்குள் சேர்த்து விட BBC நிர்வாகம் முடிவெடுத்துள்ளது.

ஈழத்தமிழரைப் பொறுத்தவரை உள்ள ஒரே ஒரு பக்க சார்பற்ற சர்வதேச தமிழ் செய்தி நிறுவனம் தமிழோசை தான். இது இலங்கை அரசியலில் பல்வேறு பட்ட தரப்பினரின் ஆதரவையும், அதே சமயம் விமர்சனத்தையும் தமிழோசை பெறுவதன் மூலம் தெளிவாகிறது.

இலங்கையில் தமிழர்களுக்கு மட்டுமன்றி முஸ்லிம் சிறுபான்மையின மக்களுக்கும் BBC தமிழோசை இன்னமும் அவசியமானதாக உள்ளது.

இந்த நிலையில் தமிழோசையை லண்டனில் இருந்து டெல்லிக்குக் கொண்டு செல்வது தமிழ் பேசும் இலங்கை சிறுபான்மை சமூகங்களுக்கு பெரும் இழப்பு.

BBC சிங்கள சேவை லண்டனில் இருக்க, தமிழோசையை மட்டும் டெல்லிக்கு அனுப்புவது அந்த சேவை அதிகம் தேவைப்படும் மக்களுக்கு பெரும் இழப்பாக இறுதியில் அமையும்.

India Policy எனும் பெரிய இந்திய சமுத்திரத்துக்குள் தமிழோசை விழுந்து அமிழ்ந்து விடாமல் இருக்க….

***தயவுசெய்து BBC நிர்வாகத்துக்கும், UK நாடாளுமன்றத்துக்கும் அனுப்புவதற்கான இந்த petitionஇல் உங்கள் பெயரையும் பதிவு செய்யுங்கள். அத்துடன் இந்த petitionஐ உங்கள் Facebook இலும் share பண்ணுங்கள்.. http://www.petitions24.com/signatures/save_the_london_bbc_tamil_broadcast/start/0

Source: http://www.athirady.com/

அகில இந்திய வானொலி ஒலிபரப்பு டிஜிட்டல் மயமாக்கப்படும்: மத்திய அமைச்சர் பேட்டி

கேபிள் டி.வி. ஒளிபரப்பை டிஜிட்டல் மயமாக்கும் பணிகள் தீவிரமாக நடந்து வருகிறது என்று மத்திய தகவல் தொடர்பு மற்றும் ஒலிபரப்புத் துறை அமைச்சர் பிரகாஷ் ஜவடேகர் கூறினார்.

இதுகுறித்து அவர் டெல்லியில் நேற்று கூறும்போது, “கேபிள் டி.வி. ஒளிபரப்பை டிஜிட்டல் மய மாக்கும் பணிகள் துரிதமாக நடந்து வருகின்றன. 2015-ல் 3-ம் கட்டப் பணிகளும் 2016-ல் 4-வது கட்டப் பணிகளும் நிறைவு பெறும்.

இப்பணிகளை தாமதப்படும் நோக்கம் எனது துறைக்கு இல்லை. கிராமப்புற மக்களும் டிஜிட்டில் ஒளிபரப்பை பெறவேண்டும் என்பதே எங்கள் நோக்கம்.

ஊடகம் மற்றும் கேளிக்கை துறையில் மிகப்பெரிய வளர்ச் சிக்கு வாய்ப்புள்ளது. இத்துறை யில் தற்போது ரூ. 5 ஆயிரம் கோடி முதலீடு செய்யப்பட் டுள்ளது. 2020-ல் இந்த முதலீடு இரு மடங்குக்கும் அதிகமாக இருக்கும்.

அகில இந்திய வானொலி ஒலிபரப்பு மற்றும் தூர்தர்ஷன் ஒளிபரப்பு சேவைகள் டிஜிட்டல் மயமாக்கப்படும். இதற்கான பணிகள் நடந்து வருகின்றன. இவற்றின் சிறந்த நிகழ்ச்சிகள் இணைக்கப்பட்டு, புதிய பெயரில் மொபைல் அப்ளிகேஷன்களிலும் தரப்படும்.

பண்பலை வானொலியில் செய்தி

பண்பலை வானொலி சேவையில் 3-வது கட்டமாக 294 நகரங்களில் 839 புதிய வானொலி நிலையங்களுக்கு ஒப்புதல் தரப்பட்டுள்ளது. இதற்கான ஏலம் வரும் டிசம்பருக்கு முன் முடிவடையும் என எதிர்பார்க்கிறோம். தனியார் பண்பலை வானொலிகளுக்கு செய்திகள் ஒலிபரப்பும் உரிமை தரப்படும். முதல்கட்டமாக இவர்கள் அகில இந்திய வானொலி செய்திகளை ஒலிபரப்பலாம். இதற்கு கட்டணம் வசூலிக்க மாட்டோம்” என்றார்.

இலவச செய்தி எஸ்எம்எஸ்

அகில இந்திய வானொலியின் இலவச செய்தி எஸ்எம்எஸ் சேவையை அமைச்சர் நேற்று தொடங்கி வைத்தார்.

ஏற்கெனவே ஆங்கிலத்தில் இலவச செய்தி எஸ்எம்எஸ் சேவை தொடங்கப்பட்டுள்ள நிலையில், தற்போது இந்தி, மராத்தி, சமஸ் கிருதம், டோக்ரி, நேபாளி ஆகிய 5 மொழிகளில் இச்சேவை தொடங் கப்பட்டுள்ளது.

Published: September 20, 2014 10:43 IST

Source: http://tamil.thehindu.com/