புதிய அலைவரிசையில் இலங்கை வானொலிகள்

இலங்கையில் உள்ள பண்பலை வானொலிகள் அலைவரிசையை மாற்றம் செய்துள்ளது. விரிவான விபரம் கீழே கொடுக்கப்பட்டுள்ளது

விமானங்கள் பயன்படுத்தும் அலைவரிசை

The Worldwide Aeronautical Communication Frequency Directory எனும் நூலைப் பற்றி இந்த மாதம் காணலாம். ராபர்ட் ஈவம் அவர்களால் ஆங்கிலத்தில் எழுதப்பட்டுள்ள இந்த நூலைப் பற்றி அறிந்து கொள்வதற்கு முன் ஒரு சுவாரஸ்யமான விடயத்தினைத் தெரிந்து கொள்வோம். நம்மில் எத்தனைப் பேர் நமது வானொலிப் பெட்டியை உற்று கேட்டுள்ளீர்கள்?!

அறிவிப்பாளர்களின் குரல்களைத் தவிர்த்து வரும் வேறு ஒலிகளை நம்மில் பெரும்பாலோர் கண்டுகொள்வதே இல்லை. அதற்கு காரணம் அவைப் பற்றி நமக்கு ஒன்றும் தெரிவதில்லை. அப்படி உங்கள் வானொலிப் பெட்டியில் கேட்கும் ஒவ்வொரு ஒலியும் ஒரு சில அர்த்தங்களுடன் பயனிக்கிறது என்றால் உங்களுக்கு ஆச்சரியமாக இருக்கலாம். அவ்வாறு பயனிக்கும் ஒலிகளுக்கு என்ன? அர்த்தம் இருக்க முடியும் என நீங்கள் எண்ணினால் உடனே நீங்கள் படிக்க வேண்டிய நூல் தான் The Worldwide Aeronautical Communication Frequency Directory.

உங்கள் வீட்டின் மேல் உள்ள வானத்தில் விமானங்கள் பறப்பதை நீங்கள் பார்த்து இருப்பீர்கள், ஆனால் செயற்கைகோள்களைப் பார்த்து இருக்கிறீர்களா?! அதனால் என்ன, அவை அனுப்பும் ஒலிகளையாவது கேட்கலாமே.. அதற்கு பயன்படுவது தான் இந்த நூல். 2350 அலைஎண் விபரங்களுடன் வெளிவந்துள்ள இந்த நூலின் துணை கொண்டு அவற்றைக் கேட்கலாம். பயணிகள் விமானம் மற்றும் இராணுவ விமானங்கள் பயன்படுத்தும் அலைவரிசைகளையும் இதில் வழங்கியுள்ளது கூடுதல் சிறப்பு. ரூ. 1115க்கு விற்பனைக்கு வந்துள்ள இந்த நூலினைப் பெற தொடர்பு கொள்ளவும் sales@universal-radio.com எனும் மின் அஞ்சல் முகவரியை.

சென்னை வானொலி அலைவரிசை மாற்றம்

அகில இந்திய வானொலியின் சென்னை நிலையம் வரும் 29 மார்ச் 2009 முதல் அலைவரிசை மாற்றத்தினை செய்ய உள்ளது. இதுவரை ஒலிபரப்பி வந்த 7270 (41மீ) கிலோ ஹெர்ட்ஸில் இருந்து 7360 கிலோ ஹெர்ட்ஸ்-க்கு மாற்றம் செய்துள்ளது.

காலை 0530 முதல் 0615 வரை சிங்களம்
காலை 0616 முதல் 0645 வரை தமிழ்
காலை 0646 முதல் 1000 வரை எப்.எம் கோல்ட் ஆகிய ஒலிபரப்புகளை கேட்கலாம்.