Monday, January 31, 2022

பிரியா கிஷோர் மறைந்தார்

சென்னை நேயர்கள் மத்தியில் புகழ்பெற்ற நிகழ்ச்சியான "பிரியமான நேரத்தின்" அறிவிப்பாளர் மற்றும் நிகழ்ச்சி தயாரிப்பாளர் பிரியா கிஷோர் 10 ஜனவரி 2022ல் மறைந்தார். அகில இந்திய வானொலியின் பண்பலை ஒலிபரப்பில்  1992 முதல் 2002  வரை இவரது நிகழ்ச்சி புகழ்பெற்று விளங்கியது குறிப்பிடத்தக்கது.


Inline image


தகவல்: Mylapore Times

Friday, January 28, 2022

SLBC’s certificate Course on Radio Production

இலங்கை வானொலியானது வானொலியில் அறிவிப்பாளர் ஆக விரும்புபவர்களுக்கு, அறிவிப்பாளர் பயிற்சியை, இலங்கை வானொலியின் புகழ்பெற்ற அறிவிப்பாளர்களைக் கொண்டு வழங்குகிறது. தமிழ் மொழிக்கான பயிற்சி திங்கள் மற்றும் செவ்வாய் கிழமைகளில் வழங்கப்படுகிறது.


இது தவிர வானொலி நிகழ்ச்சியை தயாரிப்பதற்கான பயிற்சியையும் வழங்குகிறார்கள். 

மேலதிக விபரங்களுக்கு விளம்பரத்தில் உள்ள தொலைப்பேசி எண்களை இலங்கை வாசிகள் தொடர்புகொள்ளலாம். (ஜெய்சக்திவேல்)


#இலங்கை #வானொலி #slbc #radio



Inline image


BBC Budget cut / பிபிசி நிதி குறைப்பு

பிபிசி உலக சேவைக்கு ஒதுக்கப்படும் நிதி குறைய வாய்ப்புள்ளதாக உலக சேவையின் இயக்குநர் சூசகமாக தெரிவித்துள்ளார்.

"On whether the BBC would reduce its funding of over £250m per year given to the World Service, he said: 'It will be evaluated. It's not off the table. ... It's whether we're investing the full £254m from the UK licence fee money [into] it.'" (Kim Andrew Elliott)

https://pressgazette.co.uk/bbc-licence-fee-freeze-world-service-local-democracy-reporters/

Wednesday, January 26, 2022

World Radio Day / உலக வானொலி தினம் 2022


Inline image

ஒவ்வொரு ஆண்டும் பிப்ரவரி 13, உலக வானொலி தினமாகக் யுனஸ்கோவால் கொண்டாடப்பட்டு வருகிறது. வாருங்கள் இந்த வருடமும் சிறப்பு உலக வானொலி தின அஞ்சல் அட்டையுடன் இணைந்து கொண்டாடலாம்.


Proclaimed in 2011 by the Member States of UNESCO, and adopted by the United Nations General Assembly in 2012 as an International Day, February 13 became World Radio Day (WRD). The theme of the 2022 edition of World Radio Day is thus devoted to "Radio and Trust". Let's come and celebrate the event with webinar's, seminars, workshops and exhibitions. More details on first comment.


#wrd #worldradioday #radio #unesco #webinar #உலகவானொலிதினம் #வானொலி #ரேடியோ 

Sunday, January 23, 2022

யு ஜி சி கேள்வித்தாளில் வானொலி

பல்கலைக்கழக மானியக் குழு (UGC) வருடத்திற்கு இரண்டு முறை தேசிய தகுதித்  தேர்வினை (National Eligibility Test) நடத்துகிறது. 2021ஆம் ஆண்டில் முதுகலை தமிழ் மாணவர்களுக்கு  நடத்தப்பட்ட தேர்வில் வானொலி தொடர்பாக ஒரு கேள்வி கேட்கப்பட்டுள்ளது. 


அதில், வானொலித் தொடர்பான புத்தகங்களை எழுதிய திரு.கோ.செல்வம் (உங்கள் வானொலி) மற்றும் திரு.வெ.நல்லதம்பி (உலகமேலாம் தமிழோசை) அவர்களின் வரிசையில் தங்க.ஜெய்சக்திவேல் எழுதிய  'உலக வானொலிகள்' புத்தகத்தினையும் இணைத்து கேள்வியாக கேட்டுள்ளனர். 


இந்த தேர்வினை எழுதிய JNU தமிழ் துறை மாணவர் தமிழ் பாரதி, சமீபத்திய சந்திப்பில் இந்த விபரத்தினை கூறினார். நேற்று இந்த வினாத்தாளையும், விடைகளையும் UGC இணையத்தில் வெளியிட்டுள்ளது.


ஒரு வகையில் இது மகிழ்ச்சியான செய்தி. வானொலித் தொடர்பான எழுத்தாளர்கள் வரிசையில் நம்மையும் அங்கீகரித்துள்ளது UGC. இன்னொரு வகையில், இந்த கேள்வி தவறானது. "கீழ்கண்ட புத்தகங்களில், வானொலிக்கு தொடர்பில்லாத புத்தகம் எது? என்று கேள்வி இருந்திருக்கலாம். எது எப்படியோ, கேள்வியை எடுத்தவர் சம கால ஊடக சூழலை அவதானித்து வந்துள்ளார். மகிழ்ச்சி!



Inline image



#UGC #JNU #NET #வானொலி #பல்கலைக்கழகமானியக்குழு 

Saturday, January 22, 2022

ஆஜாத் ஹிந்த் வானொலி அஞ்சல் அட்டை


Inline image



சுபாஷ் சந்திர போஸ் அவர்களால் தொடங்கப்பட்டது ஆஜாத் ஹிந்த் வானொலி (Azad Hind Radio). இது தமிழிலும் ஒலிபரப்பியது என்பது இங்கு குறிப்பிடத்தக்கது. இந்திய அஞ்சல் துறை இன்று வெளியிட்ட ஆறு அஞ்சல் அட்டைகளில் ஒன்று இந்த வானொலியை மையப்படுத்தி வெளியிடப்பட்டுள்ளது.

One more interesting postcard related to radio released today by India Post!

சீன வானொலியின் புதிய ஒளிபரப்பு


Inline image


அகில இந்திய வானொலி சமீப காலமாக பல ஒலிபரப்புகளை மூடியும், மாற்றம் செய்தும் வருகின்றது. குறிப்பாக முதலில் டெல்லி அகில இந்திய வானொலியில் செயல்பட்ட  செய்திக் குழுவை அந்தந்த மாநிலங்களுக்கு மாற்றம் செய்யதது. அதன் பின் வெளிநாட்டு சேவை நிறுத்தப்பட்டது. தமிழகத்திற்கு என்று இருந்த ஒரே ஒரு சிற்றலை ஒலிபரப்பும் அதன் பின் நிறுத்தப்பட்டது. சமீபத்தில் மத்திய அலைவரிசையிலும் கை வைத்துள்ளார்கள். 


இந்த சூழலில் தான் பல சர்வதேச ஊடங்கள் புதிதாக தனது பணிகளைத் தொடங்கியுள்ளது. குறிப்பாக பிபிசி தமிழ், தந்தி தொலைக்காட்சியில் தினமும் இரவு 7.40க்கு உலக செய்தியறிக்கையை வழங்கி வருகிறது. இது தவிர வார இறுதியில் 'கிளிக்' என்ற அறிவியல் நிகழ்ச்சியையும் ஒளிபரப்பி வருகிறது.


அதேப் போன்று சமீபத்தில் ஜெர்மனியின் பொது சேவை ஒலிபரப்பு நிறுவனமான Deutsch Welle (DW) புதிய தலைமுறையுடன் இணைந்து Eco India என்ற தமிழ் நிகழ்ச்சியை சனிக்கிழமை மாலை வேலையில் ஒளிபரப்பி வருகிறது.


கடந்த வாரம் முதல் நம் அண்டை நாடான சீனாவின் பொது சேவை ஒலிபரப்பு நிறுவனமான China Media Group (CMG), தந்தி தொலைக்காட்சியுடன் இணைந்து தினமும் மாலை 6.40க்கு "சி.எம்.ஜி. செய்திகளை" ஒளிபரப்பத் தொடங்கியுள்ளது. மிக நேர்த்தியாக, சுவாரஷ்யமான செய்திகளை திருமலை சோமு தொகுத்து வழங்கிவருகிறார்.


20-1-2022 முதல் இலங்கை வானொலியும் மீண்டும் "கொழும்பு சர்வதேச ஒலிபரப்பினை" மத்தியலை 873 கிலோ ஹெர்ட்சில் காலை 7.00 முதல் 8.00 மணி வரை ஒலிபரப்பத் தொடங்கியுள்ளது.


அனைத்துல நாடுகள் தங்களின் ஒலி, ஒளிபரப்புகளை மீட்டுருவாக்கம் செய்துவரும் இந்த சுழலில் தான், நமது அகில இந்திய வானொலி பல்வேறு ஒலிபரப்புகளையும், தூர்தர்ஷனின்  LPT மற்றும் HPT ஒளிபரப்பிகளையும் நிறுத்திவருகிறது. சமூக ஊடங்களை மட்டுமே நம்பி களத்தில் இறங்கியுள்ளது பெரிதும் ஆபத்தான ஒன்று. ஒலி, ஒளிபரப்புத் துறையில் முன் அனுபவம் இல்லாதவர்கள் தலைமைப் பொறுப்புக்கு வருவதே இவற்றிற்கெல்லாம் ஒரு காரணமாக நோக்கர்களால்  கருதப்படுகிறது.



Wednesday, January 19, 2022

மீண்டும் இலங்கை வானொலி


வானொலி தொடர்பான அஞ்சல் தலை மற்றும் முதல் நாள் கடித உறைகளை (First Day Cover) சேகரிக்கத் தொடங்கி 20 வருடங்கள் ஆகிறது. இதில் ஒரு சில உறைகள் விரைவில் கிடைத்துவிடும், ஆனால் ஒரு சில உறைகளை வருட கணக்கில் காத்திருந்து பெறவேண்டியதாக இருக்கும். அந்த வரிசையைச் சேர்ந்தது இந்த உறை.

இலங்கை வானொலியின் பொன்விழாவையொட்டி 2017இல் இந்த உறை வெளியானது, அன்று முதல் பல்வேறு நண்பர்களிடம் முயற்சி செய்து, இன்று தான் இது கிடைத்தது. கூடவே பயன்படுத்தாத மிக அழகிய ரூ.10 மதிப்புள்ள தபால் தலையும். 

60 மி.மீ x 30 மி.மீ அளவுள்ள இந்த முத்திரையை வடிவமைத்தவர் புலஸ்தி எதிரிவீர. இலங்கை அரசாங்க அச்சு திணைக்களத்தால் 5 ஜனவரி 2017 அன்று வெளியிடப்பட்டது. மொத்தமாக ஐந்து லட்சம் அஞ்சல் தலைகள் அச்சிடப்பட்டாலும், உலக அளவில் உள்ள வானொலி நேயர்கள் அனைவருக்கும் போதுமானதாக இல்லை. அதன் காரணமாகவே இது இன்று சந்தையில் விலை அதிகமாக விற்கப்பட்டு வருகிறது.

இலங்கை ஒலிபரப்பு சேவை 1924 ஜூன் மாதம் 27ஆம் தேதி பரீட்சார்த்த முறையில் தொடங்கினாலும், 1967 ஜனவரி மாதம் 5ஆம் தேதி முதல் தான் இது அரச கூட்டுத்தாபனமாகச் மாற்றம் செய்யப்பட்டது.  அது ஐம்பது ஆண்டுகள் ஆவதையொட்டி இந்த தபால் தலை முத்திரைப் பணியகத்தால் வெளியிடப்பட்டது.

நாளை 20-01-2022 காலை 7 மணி முதல் 8 மணிவரை  இலங்கை சர்வதேச வானொலி மீண்டும் மத்திய அலைவரிசையில் 873 கி.ஹெர்ட்ஸில் ஒலிபரப்ப உள்ளதையொட்டி இந்த அஞ்சல் தலை மற்றும் முதல் நாள் கடித உறைகளை உங்களின் பார்வைக்கு வைக்கிறேன்.

Sunday, January 16, 2022

வானொலிப் பெட்டி திரைப்படம் யூடியூப்பில்

வானொலி பெட்டியை மையப்படுத்தி தமிழில் மிகக் குறைந்த திரைப்படங்களே வெளிவந்துள்ளன. அந்த வரிசையில் சமீபத்தில் வெளிவந்த இந்த 'ரேடியோ பெட்டி' பூசான் திரைப்பட விழாவில் வெற்றி பெற்றது. அந்த ஆண்டின் சர்வதேச கோவா திரைப்பட விழாவிலும் திரையிட தேர்வான ஒரே தமிழ் படம் இது மட்டுமே. தற்பொழுது யூடியுப்பில் இது முழுமையாக காணக்கிடைக்கிறது.

A Tamil movie related to Radio Set. It was also won the award in Busan International Film Festival.

RADIOPETTI:

watch now