வாய்ஸ் ஆப் வியட்னாம்,டென்மார்க் வானொலி,

வாய்ஸ் ஆப் வியட்னாம் புதிதாக கிழக்கு கடல் ஒலிபரப்பினைத் தொடங்கியுள்ளது.  நார்வே கலாச்சார ஆண்டினை ஒட்டி வானொலித் தொடர்பான தபால் தலையை வெளியிட்டுள்ளது.  நைஜீரியாவின் தேசிய ஒலிபரப்பு கமிஷன் புதிதாக வானொலிகளை அமைக்க உள்ளது.  ஸ்விட்சர்லாந்தில் இருந்து செயல்பட்டு வரும் வி.எல்.எப் டைம் வானொலி 2011ல் தனது ஒலிபரப்பினை நிறுத்த உள்ளது.  நேபாள் அரசு புதிதாக பண்பலை வானொலிகளை அமைக்க அனுமதி வழங்குவதை நிறுத்தி வைத்துள்ளது.  டென்மார்க் வானொலி ஆங்கிலத்தில் செய்தி அறிக்கையை தனது இணையதளத்தினில் தொடங்கியுள்ளது. www.dr.dk  பீபா வானொலி தற்பொழுது தனது 50வது ஆண்டு விழாவினைக் கொண்டாடி வருகிறது. www.feba.org.uk/newsbriefs/febas-50th-anniversary  ரேடியோ பிரான்ஸ் இன்டர்நேசனல் ஊழியர்களின் வேலை நிறுத்தம் கடந்த 12 மார்ச் 2009 முதல் தொடர்கிறது.  வெனிசுலாவின் அதிபர் புதிதாக 29 வானொலிகளைத் தொடங்க அனுமதித்துள்ளார்.