சன் குழும பண்பலை சேவைக்கு அனுமதி மறுப்பு

சன் குழும நிறுவனங்களின் தலைவர் கலாநிதி மாறனின் நிறுவனம் நடத்தி வரும் சுமார் 50 பண்பலை (எஃப்.எம்) வானொலி சேவைகளின் உரிமத்தை புதுப்பிக்கும் நடவடிக்கைக்கு அனுமதி வழங்க மத்திய உள்துறை மறுத்துள்ளது. 
 ஏர்செல் - மேக்சிஸ் ஒப்பந்தம் தொடர்புடைய விவகாரத்தில் கலாநிதி மாறன், அவரது சகோதரரும் முன்னாள் மத்திய அமைச்சருமான தயாநிதி மாறன் ஆகியோருக்கு எதிராக சிபிஐ, மத்திய அமலாக்கத் துறை ஆகியவை வழக்குத் தொடர்ந்துள்ள நிலையில், உள்துறையின் இந்நடவடிக்கை, சன் குழும நிறுவனங்களின் வளர்ச்சிக்குப் பின்னடைவை ஏற்படுத்தும் எனக் கருதப்படுகிறது.
 இது தொடர்பாக மத்திய உள்துறை வட்டாரங்கள் கூறியதாவது: "கலாநிதி மாறன், தயாநிதி மாறன் உள்ளிட்டோர் மீது ஏர்செல் - மேக்சிஸ் ஒப்பந்த விவகாரத்தில் சிபிஐ நீதிமன்றத்தில் குற்றப்பத்திரிகை தாக்கல் செய்யப்பட்டுள்ளது. இந்த ஒப்பந்தம் நிறைவேறியதற்கு கைமாறாக கலாநிதி நடத்தி வரும் சன் டைரக்ட் நிறுவனத்தில் மலேசியாவின் மேக்சிஸ் நிறுவனம், அதன் சார்பு நிறுவனங்கள் மூலம் பல கோடி ரூபாய் அளவுக்கு முதலீடு செய்துள்ளதாகக் குற்றச்சாட்டு உள்ளது. 
 இது தொடர்பாக கலாநிதி மாறன், அவரது மனைவி காவிரி, தயாநிதி மாறன், அவர்களின் குடும்ப நிறுவனங்கள் ஆகியவற்றின் சொத்துகளில் வழக்குடன் தொடர்புடைய ரூ.742 கோடி அளவிலான சொத்துகளை மத்திய அமலாக்கத் துறை முடக்கியுள்ளது. 
 இப்பின்னணியில் சன் குழும நிறுவனங்கள் சார்பில் பண்பலை வானொலி சேவையைப் புதுப்பிக்க அனுமதி கோரி அளிக்கப்பட்ட விண்ணப்பங்கள் மீது மேல்நடவடிக்கை எடுக்க வேண்டாம் என உள்துறை கேட்டுக் கொண்டுள்ளது' என்று அந்த வட்டாரங்கள் கூறின.
 ஜேட்லி தலையீடு: இந்நிலையில், இந்த விவகாரம் பற்றி மத்திய நிதியமைச்சரும், தகவல் ஒலிபரப்புத் துறை அமைச்சரான அருண் ஜேட்லியிடம் சன் குழும நிறுவனங்கள் சார்பில் அதன் நிர்வாகிகள் கடந்த மாதம் முறையிட்டுள்ளதாகத் தெரிகிறது. இதையடுத்து, மத்திய உள்துறையின் நடவடிக்கை பண்பலை வானொலி சேவையில் முதலீடு செய்துள்ள நிறுவனங்களின் வளர்ச்சியில் பாதிப்பை ஏற்படுத்தும் என்று ஜேட்லி கூறியுள்ளார். மேலும், இது தொடர்பாக அவர் உள்துறை அமைச்சர் ராஜ்நாத் சிங்கிடமும் பேசியுள்ளதாகக் கூறப்படுகிறது. 
 இதைத் தொடர்ந்து, "ஏர்செல் - மேக்சிஸ் ஒப்பந்தம் தொடர்பான வழக்கையும், பண்பலை வானொலி சேவை உரிமத்தை புதுப்பிக்கக் கோரி சன் குழும நிறுவனங்கள் அளித்துள்ள விண்ணப்பங்களையும் குழப்பிக் கொள்ள வேண்டாம். இந்த விவகாரத்தை மீண்டும் பரிசீலித்து உரிய பதிலை அனுப்பி வைக்க வேண்டும்' என்று அருண் ஜேட்லி கேட்டுக் கொண்டுள்ளதாக மத்திய தகவல் ஒலிபரப்புத் துறை வட்டாரங்கள் தெரிவித்தன. இத்கவலை மத்திய தகவல் ஒலிபரப்புத் துறைச் செயலர் பிமல் ஜுல்கா உறுதிப்படுத்திய போதும், மேற்கொண்டு தகவலைத் தெரிவிக்க அவர் மறுத்து விட்டார்.
 விதிகள் கூறுவது என்ன?: மத்திய தகவல் ஒலிபரப்புத் துறை விதிகளின்படி பண்பலை வானொலி சேவைகளுக்கு உரிமம் கோரி அளிக்கப்படும் விண்ணப்பங்கள் பரிசீலனைக்கு ஏற்கப்படும் முன்பு, அதில் இடம் பெற்றுள்ள இயக்குநர்கள் குழு, தலைவர் உள்ளிட்டோரின் பின்னணி குறித்து மத்திய உள்துறை விசாரணை நடத்தி அறிக்கை அளிக்கும். இதேபோல, சம்பந்தப்பட்ட நிறுவனங்களின் நிதி ஆதாரம், நிதிப் பின்புலம் குறித்தும் தனியாக விசாரணை நடத்தப்படும். இதில் திருப்திகரமான பதிலை உள்துறை அளித்தால் மட்டுமே விண்ணப்பங்களை மத்திய தகவல் ஒலிபரப்புத் துறை பரிசீலித்து உரிய நடவடிக்கை எடுக்கும். 
 இந்நிலையில், ஏற்கெனவே பண்பலை வானொலி சேவை வழங்கி வரும் சன் குழும நிறுவனங்களின் இயக்குநர்கள் குழுவில் மாற்றம் ஏற்பட்டாலோ அல்லது உரிமையாளர்கள் தரப்பில் செய்யப்பட்ட முதலீடு விகிதத்தில் மாற்றம் ஏற்பட்டாலோ மட்டும்தான் உரிமத்தைப் புதுப்பிக்கக் கோரும் விண்ணப்பத்தை மத்திய உள்துறை பரிசீலித்து அறிக்கை அளிக்க அதிகாரம் உள்ளது. 
 ஆனால், "சன் குழும நிறுவனங்களின் நிர்வாகிகள் நிலையில் எத்தகைய மாற்றம் செய்யப்பட்டது? அதன் விண்ணப்பங்கள் எந்த அடிப்படையில் முடிவெடுக்கப்படாமல் தேக்கி வைக்கப்பட்டுள்ளன' என்ற விவரத்தை வெளியிட மத்திய தகவல் ஒலிபரப்புத் துறை அதிகாரிகள் மறுத்து விட்டனர்.
Source: http://www.dinamani.com/ 14-5-2015

ஞானவாணி105.6 பண்பலையின் நேயர்கள் சந்திப்பு

திருநெல்வேலி ஞானவாணி105.6 பண்பலையின் நேயர்கள் சந்திப்பு வரும் 10 நவம்பர் 2013 அன்று மனோன்மணியம் சுந்தரனார் பல்கலைக்கழகத்தின் தொடர்பியல் துறையில் வைத்து நடைபெற உள்ளது. அனைவரையும் அன்புடன் அழைக்கிறோம்.

சூரிய சக்தியில் இயங்கும் வானொலிப் பெட்டி

வானொலிகளில் மின்சாரம் இல்லாமல் இயங்கும் வானொலிப் பெட்டிகளுக்கு சமீப காலமாக நல்ல மவுசு. அதன் அடிப்படையில் பல சீன நிறுவனங்கள் டைனமோ மற்றும் சூரிய சக்தியில் இயங்கும் வானொலிப் பெட்டிகளைத் தயாரித்து வெளியிட்டு வருகிறது. மத்திய அலை (530-1600 கி.ஹெ), பண்பலை (88-108 மெ.ஹெ) மற்றும் காலநிலை அலைவரிசை (162.40-162.55 மெ.ஹெ) ஆகியவற்றை இதில் கேட்கலாம். மாடல் எண்: HT-898C-1-1-1. 

எமர்ஜென்சி லைட் மற்றும் சைரன் வசதியும் இந்த வானொலியில் உள்ளது. தெர்மாமீட்டர் இதில் உள்ளதால் நீங்கள் இருக்கும் இடத்தின் தட்பவெப்பத்தினை உடனுக்குடன் தெரிந்து கொள்ளலாம். மேலும் நமது மொபைல் போன்களையும் இதன் மூலம் சார்ஜ் செய்து கொள்ளலாம். இந்த வானொலியை சீனாவின் டொன்குவான் நிறுவனம் தயாரித்து வெளியிட்டுள்ளது. விலை விபரங்களுக்கு தொடர்பு கொள்ள வேண்டிய முகவரி: Dongguan Haitong Plastics Electrical Factory, Chashan Town, Dongguan, Guangdong, China  523396, Mobile:  (86 136) 00295295, Homepage Address http://www.globalsources.com/hai-tong.co<

மீண்டும் பண்பலை பாசப் பறவைகள்

தமிழகத்தில் உள்ள வானொலி நேயர்களை ஒருங்கினைக்கும் நோக்கில் நேயர்களின் புகைப்படம், முகவரி மற்றும் இன்னும் பல விபரங்களோடு மீண்டும் பண்பலை பாசப் பறவைகள் புத்தகம் வெளிவரவுள்ளது. இந்த புத்தகத்தில் உங்களின் முகவரியும் இடம்பெற நீங்கள் உங்கள் புகைப்படத்துடன் பெயர், வயது, பிறந்த நாள், படிப்பு, தொழில், லட்சியம், இரத்தப்பிரிவு, திருமண நாள், முகவரி மற்றும் தொலைபேசி எண்ணுடன் ரூ.125 பணவிடையுடன் அனுப்ப வேண்டும் . முகவரி: இரத்தினபுரி இராஜா முகமது, #5, கக்கன் வீதி, இரத்தினபுரி, கோவை - 641 027, பேச: 98430 87633.

என் அருமை நண்பன்-நேஷனல் RX-M50 (பாகம்- 2)

நேஷனல் RX-M50 என்ற மாடலில் ரேடியோ பகுதி, கேசட் ரெக்கார்டர் பகுதி என இருவகையான பகுதிகள் உள்ளன. முதலில் வானொலிப் பகுதியைப் பார்ப்போம்.
ரேடியோ பகுதியில் நான்கு அலை வரிசைகள் உள்ளன.

FM - பண்பலை வரிசை 88 Mhz முதல் 108 Mhz வரை.

MW - மத்தியஅலை அலை வரிசை 530 KHz - 1600 KHz

SW 1 – சிற்றலைவரிசை 1 - 2.3 MHz - 2.5 MHz (120 மீ), 3 MHZ - 3.9 MHz (90 மீ), 4 MHz - 5 MHz (75 மீ), 5 MHz - 5.9 MHz (60 மீ), 6 MHz - 6.9 MHz (40 மீ) (120,90,75 மீட்டருக்கான அலைரிசை (2 MHz to 5MHz) ட்ராபிகல் பேண்டு என அழைக்கப்படும். இது வெப்ப மண்டல நாடுகளின் பயன்பாட்டுக்காக ஒதுக்கப்பட்டுள்ளது)
SW 2 - சிற்றலைவரிசை 2 - 7 MHz (120 மீ), 9 MHz (31 மீ), 11 MHz (25 மீ), 13 MHz (22 மீ), 15 MHz (19 மீ), 17 MHz (16 மீ), 21 MHz (13 மீ) ஆகியவை அடங்கியது. 26 MHz (11 மீ) இதில் இல்லை.

இந்த அலைவரிசைகள் தொடர்ச்சியாக அமைக்கப்பட்டுள்ளதால், தற்சமயம் உபயோகத்தில் உள்ள சில புற அலைவரிசையில் உள்ள அலை எண்களையும் எளிதில் ட்யூன் (திருத்தம்) செய்யலாம். சில அலைவரிசைகளுக்கு இடையே ஹாம் வானொலிகளுக்கான அலை எண்களில் அவர்கள் பேசிக்கொள்வதையும் கேட்கலாம். எந்த ஒரு வானொலியையும் எளிதில் கண்டறிய டயலும் “முள்” போன்ற நிலைக்காட்டியும் உள்ளதால் ட்யூனிங் திருகை அல்லது குமிழை பயன்படுத்தி நமக்குத் தேவையான வானொலியை அடையலாம். சிற்றலை வரிசையில் பலவானொலிகள் மிக நெருக்கமாக செயல்படும்போது நமக்கு விருப்பமான வானொலியைத் துல்லியமாகக் கண்டறிய ஃபைன்ட்யூனிங் எனப்படும் (துல்லிய திருத்தம்) திருகும் உள்ளது. இதன் மூலம் மிகத் துல்லியமாக ட்யூன்செடீநுது நாம் வானொலியின் ஒலியை தேவையற்ற ஒலிகளிலிருந்து பிரித்துத் தெளிவாகக் கேட்கலாம்.

ரேடியோ, கேசட் ரெக்கார்டர் பகுதிகளைத் தனித்தனியே இயக்க ஒரு ஸ்லைடிங் பட்டன் அல்லதுசறுக்கும் பொத்தான் உள்ளது. அதேபோன்று, அலைவரிசைகளை நம் விருப்பம்போல் தேர்ந்தெடுக்க மற்றொரு சறுக்கும் பொத்தான் உள்ளது. ஒலியின் தரத்தை கூட்டவோ குறைக்கவோ ஒரு திருகு அல்லது குமிழ் உள்ளது. இதைத்தவிர ஒலியின் தரத்தை மிருதுவான, மெல்லிய ஒலி தரத்திலிருந்து கனமாக வெளிப்படும் ஒலியாக மாற்ற ‘குரல்வள’ திருகு உள்ளது. ரேடியோ அல்லது ஒலிநாடாவிலிருந்து வரும் ஒலியை வெளிப்படுத்த 10 செ.மீ. அளவுள்ள மோனோ ஸ்பீக்கர் உள்ளது.

இந்த மாடல்-10 வாட்ஸ் திறன் கொண்டது பானாசோனிக் மாடலில் “18 வாட்ஸ்” ஸ்பீக்கர் உள்ளது.“நேஷனல்” மாடலில் நீட்டி மடக்கக் கூடிய டெலஸ்கோப்பிக் உணர்தண்டு உள்ளது. மத்தியஅலைவரிசைக்கு வானொலிப் பெட்டியின் கைப்பிடியுடன் இணைக்கப்பட்டுள்ள ஃபெர்ரைட் இரும்புத்தண்டு உள்ளது. வானொலிப் பெட்டியை மெதுவாக சுழற்றினால் ஒரு நிலையில் மத்திய அலை வானொலி தெளிவாகக் கேட்கும். அந்த நிலையை தேர்ந்தெடுத்து அந்தக் கோணத்தில் வானொலிப் பெட்டியை வைக்கவேண்டும். (தொடரும்..) - சென்னை வி. பாலு