அகில இந்திய வானொலி மூடப்பட்டதா?

தலைப்பிலேயே ஒரு கிலி ஏற்படுத்துவது, இன்றைய ஊடங்களுக்கு ஒரு வகையில் அகோரப்பசியை தீர்ப்பதாக அமைகிறது. ஐந்து மாநிலங்களில் உள்ள அகில இந்திய வானொலியின் பயிற்சி மையமும், யாருமே கேட்காத மூன்று தேசிய ஒலிபரப்பு நிலையங்கள்(1215 kHz New Delhi 20 kW, 1566 kHz Nagpur 1000 kW, 9380 kHz Aligarh  250 kW) மட்டுமே நிறுத்தப்படுகிறது. அதுவும் இரவு 6.50 முதல் காலை 6.10 வரை ஒலிபரப்பு செய்பவை அவை) ஆனால், கடந்த இரண்டு நாட்களாக வரும் செய்திகள் என்னவோ, ஐந்து மாநிலத்தில் உள்ள அகில இந்திய வானொலி நிலையமே மூடப்படுவது போன்ற ஒரு தவறான தகவல் தொடர்ந்து பல்வேறு ஊடங்களால் பகிரப்பட்டு வருகிறது. செய்திக்குறிப்பை சரியாக புரிந்து, சரியான மொழிபெயர்ப்பை செய்தால் மட்டுமே இது போன்ற 'கிலி' செய்திகளை தவிர்க்க முடியும்! ஆனால், நோக்கமே கிலியாக இருந்தால், ஒன்றும் செய்ய முடியாது! 

இணைப்பு:

1.அகில இந்திய வானொலியின் செய்திக்குறிப்பு.

2. தவறான செய்தி வெளியிட்ட ஊடங்கள்

(இன்னும் தொடர்ந்து வெளியிட்டுக் கொண்டு இருக்கின்றன)

5 மாநிலத்தில் ஆல் இந்தியா ரேடியோ மூடல்! - செலவைக் குறைக்க மத்திய அரசு திடீர் நடவடிக்கை | All India Radio shuts down in 5 states

5 மாநிலத்தில் ஆல் இந்தியா ரேடியோ மூடல்! - செலவைக் குறைக்க மத்திய அரசு திடீர் நடவடிக்கை | All India Radio shuts down in 5 states By Sathya Gopalan இதனால் இந்தியாவில் உள்ள சில வானொலி மையங்களை மூடவிருப்பதாக மத்திய அரசு அறிவித்துள்ளது. All India Radio shuts down in 5 states

DRM in BES EXPO 2019

The DRM Consortium will highlight its recent achievements under the overarching theme "DRM Drives Forward" at the international BES (Broadcast Engineering Society –  www.besindia.co.in) conference and exhibition BES EXPO 2019 on terrestrial and satellite broadcasting at Pragati Maidan, New Delhi 110002, India, 17-19 January 2019.  BES EXPO is rated as the biggest broadcast technology show in India with nearly 300 exhibitors from 25 countries and an estimated 3,000 professionals and decision-makers attending. (Via Alokesh Gupta FB)

மஹாமீட் ஹாம் சந்திப்பு / Mahameet 2019

Sent from Yahoo Mail for iPhone

இலங்கை வானொலி கேண்டீன்

இந்த புகைப்படம் நமக்கு பல முக்கிய தகவல்களை கொடுக்கிறது. அதில் மிக முக்கியமானது, ஒலிப்பதிவு! இன்று போல் இல்லை அன்று. ஒலிப்பதிவு செய்ய கையோடு பெரிய டேப் ரெக்கார்டரையும் எடுத்து செல்லவேண்டிய காலகட்டம். குறிப்பாக கையடக்க ஒலிப்பதிவு கருவி (Walkman) கூட அறிமுகமாகாத காலகட்டம்.


அடுத்து, இதில் பயன்படுத்தப்பட்டுள்ள சிறிய மைக். இது போன்ற மைக்குகளை இன்று நாம் காண்பது அரிது. எப்.எம் மைக் என்று பார்த்திருப்போம், அது போன்றது தான் இதுவும். ஆனால் இது ஒரு வயருடன் இணைக்கப்பட்டுள்ளது. அதனை அடுத்து டேபிளில் உள்ள கண்ணாடி டீ டம்ளர் மற்றும் குளிர்பான பாட்டில்.

அன்றைய இலங்கை வானொலியின் கேண்டீன், இருவரின் உடல் மொழி, ஆடைகள், சிகை அழங்காரம், டை, கிருதா என இது போல இன்னும் இன்னும் சொல்லிக்கொண்டே போகலாம். தொடர்பியல் ஆய்வுக்கு பெரிதும் உதவும் படம் இது. இந்த புகைப்படத்தை பதிவிட்டது போல, அந்த பேட்டியையும் முழுமையாக வெளியிடலாம். கூடவே உங்களின் இலங்கை வானொலி பயண அனுபவத்தினையும். நன்றி: திரு ராமகிருஷ்ணன்

#இலங்கை #வானொலி #SLBC #Radio

மதுரையில் இருந்து ஒரு புதிய வானொலி / A new Internet Radio from Madurai

நான்மாடக் கூடலில் இசைத் தேடலுக்கு தீர்வாக (25 12 2018 ) இன்று இணைய உலகில் தடம் பதித்து,தமிழ் மக்கள் மனதில் இடம் பிடிக்க வரும் ரேடியோ மதுரை குழுவினருக்கு என் நேசமான வாழ்த்துகள்!

தூங்கா நகரிலிருந்து நெஞ்சை விட்டு நீங்காத பாடல்களை சுழல விட்டு,

இதயங்களுக்கு ஆறுதல் அளித்து,

தமிழரின் கலை,இலக்கியம்,மரபு,கலாச்சாரம் சார்ந்து எண்ணற்ற படைப்புகளை உலகத் தமிழர்களுக்கு வழங்க வரும் உங்கள் முயற்சிக்கு நிச்சயம் வெற்றி உண்டு!

Radio Madurai 

Radio Madurai Tamil Radio

குழுவினருக்கு பாராட்டுகள்! 

Via காரைக்கால் கே.பிரபாகரன்

காரைக்கால் வானொலி

 

காரைக்கால் அகில இந்திய வானொலி நிலையத்தின் ஒலிபரப்புத் திறன் அதிகரிப்பு சேவையை மாவட்ட ஆட்சியர் திங்கள்கிழமை தொடங்கிவைத்தார்.

காரைக்கால் பண்பலை வானொலி (100.3) ஒலிபரப்புத் திறன் 6 கிலோ வாட்டிலிருந்து 10 கிலோ வாட்டாக திங்கள்கிழமை முதல் அதிகரிக்கப்பட்டுள்ளது. இந்த சேவையை தொடங்கிவைக்கும் நிகழ்ச்சி நிலைய வளாகத்தில் திங்கள்கிழமை நடைபெற்றது.
காரைக்கால் மாவட்ட ஆட்சியர் ஆர். கேசவன் கலந்துகொண்டு, நிலைய கட்டுப்பாட்டு அறையில் புதிய கூடுதல் திறனை மக்களின் பயன்பாட்டுக்குத் தொடங்கிவைத்தார்.
நிலைய நேரடி நிகழ்ச்சியில், நேயர்களிடையே ஆட்சியர் பேசினார். காரைக்கால் வானொலி நிலையத்தில் ஒலிபரப்புத் திறன் அதிகரிப்பு செய்ததன் மூலம் பல மாவட்டங்களைச் சேர்ந்த நேயர்கள் நல்ல பயனை அடைவார்கள். கஜா புயலின்போது, காரைக்கால் வானொலியின் சேவை மிகுந்த பாராட்டுக்குரியது.
தொடர்ந்து புயல் குறித்து பல்வேறு விழிப்புணர்வுகளை ஏற்படுத்தியதன் மூலம் உயிர் சேதம் தவிர்க்கப்பட்டது. வானொலி நிலையத்தின் பணி வரவேற்புக்குரியதாக இருந்தது. தொடர்ந்து அரசின் நலத் திட்டங்களின் மூலம் மக்கள் பயன்பெறும் வகையில் சேவையை தொடர்ந்து செய்ய வேண்டும். ஒலிபரப்புத் திறன் அதிகரிப்பு சேவை வெற்றிபெற வாழ்த்துவதாக நிகழ்ச்சியின்போது ஆட்சியர் குறிப்பிட்டார்.

விரிவாக படிக்க

புதுவை அகில இந்திய வானொலி

புதுவை அகில இந்திய வானொலியில் திருப்பாவை, திருவெம்பாவை நிகழ்ச்சிகள் ஞாயிற்றுக்கிழமை (டிச. 16-ஆம் தேதி) முதல் ஒலிபரப்பு செய்யப்படுகிறது.

இதுகுறித்து புதுவை அகில இந்திய வானொலி நிகழ்ச்சி தலைவர் தட்சிணாமூர்த்தி கூறியதாவது:
மார்கழி மாதம் பிறக்கும் ஞாயிற்றுக்கிழமை முதல் நாள்தோறும் அந்த மாதம் முடியும் வரை காலை 6. 10 மணிக்கு புதுவை வானொலியின் முதல் அலைவரிசையில் திருப்பாவை, திருவெம்பாவை நிகழ்ச்சி ஒலிபரப்பாகும்.
டாக்டர் எம்.எல்.வசந்தகுமாரி பாடிய திருப்பாவை பாடல்களுடன், ஸ்ரீரங்கம், ஸ்ரீமத் ஆண்டவன் ஸ்ரீரங்கராமனுஜ மகாதேசிகன், திருக்கோயிலூர் ஜீயர் எம்பெருமானார் ஸ்ரீநிவாச ராமனுஜ ஆச்சார்யா, தேரெழுந்தூர் ராமபத்ராச்சாரி ஆகியோர் வழங்கிய விளக்க உரைகளை வானொலி தனது ஒலிக் களஞ்சியத்தில் இருந்து ஒலிபரப்பு செய்கிறது.

இதேபோல, பிரேமா, ஜெயா ஆகியோர் இணைந்து பாடியுள்ள திருவெம்பாவை பாடல்களுடன், சுகி சிவம், தெய்வநாயகம் ஆகியோர் வழங்கிய விளக்கவுரைகளும் ஒலிபரப்பாகின்றன. திருப்பள்ளி எழுச்சியில் சுகி சிவம் விளக்கவுரையுடன், சீர்காழி திருஞான சம்பந்தம் பாடியுள்ள பக்திப் பாடல்கள்
ஒலிபரப்பாகும். புதுவை வானொலியின் ரெயின்போ பண்பலை 102.8-இல் திருப்பாவை - திருப்பள்ளி எழுச்சிப் பாடல்களும், விளக்க உரைகளும் ஞாயிற்றுக்கிழமை முதல் நாள்தோறும் அதிகாலை 5 மணிக்கு ஒலிபரப்பாகும் என அந்தச் செய்திக் குறிப்பில் கூறப்பட்டுள்ளது.

நன்றி தினமணி