வாய்ஸ் ஆஃப் அமெரிக்காவின் 2022 நாள்காட்டி

A Free Press Matters: VOA@80

சர்வதேச வானொலி நேயர்களுக்கு டிசம்பர் மாதம் எப்பொழுதுமே கொண்டாட்டமான மாதம். நேயர்களும் அனைத்து வானொலிகளுக்கும் கிருஸ்மஸ் மற்றும் புத்தாண்டு வாழ்த்து அட்டைகளை அனுப்புவர். அதே போல அந்த வானொலி நிலையங்களும் தனது நேயர்களுக்கு  வாழ்த்து மடல்கள், நாள்காட்டிகள், டைரிகள், Year End Gifts என பல நினைவுப் பரிசுகளை அனுப்பிவைக்கும்.

சிற்றலை வானொலிகளின் எண்ணிக்கை சமீப காலமாக குறைந்த பிறகு இந்த மாதிரியான நினைவுப் பரிசுகளும் குறைந்துவிட்டன.

நீண்ட இடைவெளிக்கு பிறகு, இன்று பல்கலைக்கழக முகவரிக்கு அமெரிக்காவின் பொதுத் துறை வானொலியான "வாய்ஸ் அஃப் அமெரிக்கா" வானொலியின் 2022ஆம் வருடத்திற்கான மிக அழகான மாதாந்திர நாள்காட்டியை அனுப்பியிருந்தனர்.

இந்த நாள்காட்டியின் சிறப்புகளில் ஒன்று வாய்ஸ் ஆஃப் அமெரிக்கா ஒலிபரப்பி வரும் 47 மொழிகளின் ஒலிபரப்பாளர்களை ஆவணப்படுத்தியது. பழைய மொழிப்பிரிவின் புகைப்படங்களையும் இதில் வெளியிட்டுள்ளார்கள். 

இந்த ஆண்டு VOA தனது 80ஆவது ஆண்டினைக் கொண்டாடுகிறது. 1 பிப்ரவரி 1942ல் இந்த வானொலி தொடங்கப்பட்டது. இடைப்பட்ட காலத்தில் தமிழ் மொழி  ஒலிபரப்பினையும் இது செய்தது. நிலவில் மனிதன் இறங்கியதை வாஷிங்டன்னில் இருந்து நேரலையில் அன்று அறிவிப்பு செய்த திரு.நல்லதம்பி அவர்களை மறக்கவும் முடியுமா?

வாய்ஸ் ஆஃப் அமெரிக்காவைத் தொடர்பு கொள்ள

To request a VOA calendar or information about VOA programming or frequencies: audiencemail [ at ] voanews.com

Voice of America
Public Relations
330 Independence Ave., S.W.
Washington, D.C. 20237

Phone: 1 (202) 203-4959

E-mail: askvoa@voanews.com

Web: www.voanews.com, www.insidevoa.com
FB: voiceofamerica, insidevoa
Twitter: @voanews, @insidevoa
Insta: voanews, insidevoa

உலக வானொலி தொலைக்காட்சி கையேடு - WRTH 2022

 

சிற்றலை வானொலி நேயர்களுக்கு ஒரு கலைக்களஞ்சியமாகத் திகழும் “உலக வானொலி தொலைக்காட்சி கையேடு” தனது 76 ஆண்டுக்கால பயணத்தினை இந்த 2022 ஆண்டுடன் நிறைவு செய்வது, எங்களைப் போன்ற வானொலி ஆர்வலர்களுக்கும், ஆய்வாளர்களுக்கும் வருத்தம் கொடுக்கக்கூடிய ஒரு செய்தி. 

 

76 ஆண்டு மலர்களில், ஒரு சில வருடங்களைத் தவிரப் பெரும்பான்மையான வருடங்களின் பதிப்பு என்னிடம் உண்டு. அந்த புத்தகங்கள் அனைத்தும் அடங்கிய ஐந்து அட்டைப்பெட்டிகள், ஒவ்வொரு முறை வீடு மாறுதல்களின் போதும் குடும்பத்தாரின் ஏச்சுக்கும், பேச்சுக்கும் ஆளாகியுள்ளது. 

 

நாங்கள் 15 வருடங்கள் மாத இதழாக வெளியிட்ட “சர்வதேச வானொலி” இதழாகட்டும், 16 வருடம் காலாண்டு இதழாக வெளிவந்த “Dxers Guide” இதழுக்கும், 54 வாரங்கள் அகில இந்திய வானொலியின் திரை கடல் ஆடிவரும் தமிழ்நாதத்தில் ஒலிபரப்பான “வானொலி உலகம்” நிகழ்ச்சிக்கும், NCBH வெளியிட்ட எனது முதல் தமிழ்ப் புத்தகமான “உலக வானொலிகள்” எனும் புத்தகத்திற்கும், பேருதவியாக இருந்தது தான் இந்த WRTH எனும் World Radio TV Handbook. 

 

எனக்கே எனக்கான முதல் WRTH கிடைத்தது, 1999ல் திரு.அட்ரியன் பீட்டர்ஸன் AWR நேயர் சந்திப்புக்காக ஈரோடு வந்த போது, நேரடியாக 2000ஆம் ஆண்டு பதிப்பினைக் கைகளில் கொடுத்தார்கள். அந்த முதல் புத்தகத்தின் வாசனை இன்னும் நினைவுகளில் ஊசலாடுகிறது. 

 

என்னிடம் உள்ள WRTH ஒவ்வொரு புத்தகத்திற்கும் ஒரு கதை உண்டு. இந்தத் தருணத்தில் ஜெர்மன் நாட்டின் தேசிய வானொலியான DW எனும் Deutsch Welleவின் Technical Monitor பணியிலிருந்த போது கிடைத்த புத்தகங்களே அதிகம் என்பதைப் பதிவு செய்தே ஆகவேண்டும். 

 

அதனை அடுத்து நான் நன்றி சொல்லக் கடமைப்பட்டிருப்பது திரு.அரசு (VU2UR) அவர்கள். 30 வருடங்களுக்கும் அதிகமான புத்தகங்களை வாஞ்சையுடன் கொடுத்து உதவினார். 

 

திரு.சண்முக சுந்தரம்(VU2FOT), திரு. இளம்பூரணன், திரு. ஜோஸ் ஜேக்கப்(VU2JOS), திரு. அலோக்கேஷ் குப்தா(VU3BSE), திரு.சந்திபன் பாசு (VU3JXD) ஆகியோர் எனக்கும் WRTHக்கும் பாலத்தினை அமைத்தவர்களில் முக்கியமானவர்கள். 

 

வானொலிகளில் AWR, BBC, CRI, DW, RN, RV, RVA, SLBC, RTI, RFA, VOA, NHK மற்றும் TWR ஆகியவை ஏதேனும் ஒரு விதத்தில் WRTH பெற உதவியுள்ளது.

சென்னையின் மழை வெள்ளத்திலும் தப்பித்து, இன்றும் என் பொக்கிஷங்களில் ஒன்றாக இருந்து வருகிறது. இவ்வளவு தகவல்களையும் தாங்கிய புத்தகம் இனி வெளிவராது என்று சொன்னது, நெருங்கிய நண்பன் ஒருவன் நம்மை மீளாத்துயரில் ஆழ்த்திச் செல்வது போன்றதே!

கோவை அகில இந்திய வானொலி நிலையத்தின் திரு.தாமரைசந்திரன் காலமானார்

கோவை அகில இந்திய வானொலி நிலையத்தின் முன்னாள் நிகழ்ச்சி தலைவர் திரு.தாமரைசந்திரன்@ராமச்சந்திரன் மாரடைப்பால்  இன்று மாலை காலமானார். 'நேயர் நெஞ்சம்', நேயர்களைத் தேடி வானொலி போன்ற நிகழ்ச்சிகளை 1997லேயே சிறப்பாக நடத்தியவர். 

😢

தகவல்: Kovai Media WG

A Special cover on "Voice of Liberation"

A Special cover on "Voice of Liberation" on Goa's Freedom Struggle was released by the Department of Posts Goa Division on 17 December, 2021 as a part of the Goa@60 Diamond Jubilee Celebrations of Goan Liberation Movement. These secret radios were operated by Late Vaman Sardesai and Ms Libia Lobo Sardesai, continuously from November, 1955 till December,1961.

Courtesy: Dr Ramesh, Goa Via SIPA WG

கொழும்பு சர்வதேச வானொலி மீண்டும் தொடக்கம்

13 ஆண்டு இடைவெளிக்கு பிறகு இந்திய நேயர்களுக்காக ஒலிபரப்பை மீண்டும் தொடங்கும் கொழும்பு வானொலி. 

செய்தியை எழுதிய எஸ்.முஹம்மது ராஃபி மற்றும் வெளியிட்ட இந்து தமிழ் திசைக்கும் நன்றி.

http://dhunt.in/o6OoY?s=a&uu=0xedc74f81fc2a2254&ss=wsp

Source : "தி இந்து தமிழ்" via Dailyhunt

#இலங்கை #வானொலி #இந்துதமிழ்திசை #radio #slbc #dx

சுதந்திரத்தில் வானொலி

இன்றைய தினத்தந்தியில் 

காங்கிரஸ் ரேடியோ / a book on congress radio

வானொலி தொடர்பாக மற்றும் ஒரு புத்தகம் வெளியாகியுள்ளது. காங்கிரஸ் ரேடியோவை தொடங்கிய உஷா மேக்தாவை பற்றிய இந்த புத்தகத்தினை வைக்கிங் பதிப்பகம் ஆங்கிலத்தில் வெளியிட்டுள்ளது. வானொலி ஆய்வாளர்களுக்கும், வானொலியோடு தொடர்புடையவர்களுக்கும் இது ஒரு முக்கிய புத்தகமாகும்.

https://www.thehindu.com/society/a-buzz-in-the-air-an-excerpt-from-congress-radio-usha-mehta-and-the-underground-radio-station-of-1942/article35891030.ece