World Radio Day / உலக வானொலி தினம் 2022

ஒவ்வொரு ஆண்டும் பிப்ரவரி 13, உலக வானொலி தினமாகக் யுனஸ்கோவால் கொண்டாடப்பட்டு வருகிறது. வாருங்கள் இந்த வருடமும் சிறப்பு உலக வானொலி தின அஞ்சல் அட்டையுடன் இணைந்து கொண்டாடலாம்.

Proclaimed in 2011 by the Member States of UNESCO, and adopted by the United Nations General Assembly in 2012 as an International Day, February 13 became World Radio Day (WRD). The theme of the 2022 edition of World Radio Day is thus devoted to "Radio and Trust". Let's come and celebrate the event with webinar's, seminars, workshops and exhibitions. More details on first comment.

#wrd #worldradioday #radio #unesco #webinar #உலகவானொலிதினம் #வானொலி #ரேடியோ 

யு ஜி சி கேள்வித்தாளில் வானொலி

பல்கலைக்கழக மானியக் குழு (UGC) வருடத்திற்கு இரண்டு முறை தேசிய தகுதித்  தேர்வினை (National Eligibility Test) நடத்துகிறது. 2021ஆம் ஆண்டில் முதுகலை தமிழ் மாணவர்களுக்கு  நடத்தப்பட்ட தேர்வில் வானொலி தொடர்பாக ஒரு கேள்வி கேட்கப்பட்டுள்ளது. 

அதில், வானொலித் தொடர்பான புத்தகங்களை எழுதிய திரு.கோ.செல்வம் (உங்கள் வானொலி) மற்றும் திரு.வெ.நல்லதம்பி (உலகமேலாம் தமிழோசை) அவர்களின் வரிசையில் தங்க.ஜெய்சக்திவேல் எழுதிய  'உலக வானொலிகள்' புத்தகத்தினையும் இணைத்து கேள்வியாக கேட்டுள்ளனர். 

இந்த தேர்வினை எழுதிய JNU தமிழ் துறை மாணவர் தமிழ் பாரதி, சமீபத்திய சந்திப்பில் இந்த விபரத்தினை கூறினார். நேற்று இந்த வினாத்தாளையும், விடைகளையும் UGC இணையத்தில் வெளியிட்டுள்ளது.

ஒரு வகையில் இது மகிழ்ச்சியான செய்தி. வானொலித் தொடர்பான எழுத்தாளர்கள் வரிசையில் நம்மையும் அங்கீகரித்துள்ளது UGC. இன்னொரு வகையில், இந்த கேள்வி தவறானது. "கீழ்கண்ட புத்தகங்களில், வானொலிக்கு தொடர்பில்லாத புத்தகம் எது? என்று கேள்வி இருந்திருக்கலாம். எது எப்படியோ, கேள்வியை எடுத்தவர் சம கால ஊடக சூழலை அவதானித்து வந்துள்ளார். மகிழ்ச்சி!

#UGC #JNU #NET #வானொலி #பல்கலைக்கழகமானியக்குழு 

ஆஜாத் ஹிந்த் வானொலி அஞ்சல் அட்டை

சுபாஷ் சந்திர போஸ் அவர்களால் தொடங்கப்பட்டது ஆஜாத் ஹிந்த் வானொலி (Azad Hind Radio). இது தமிழிலும் ஒலிபரப்பியது என்பது இங்கு குறிப்பிடத்தக்கது. இந்திய அஞ்சல் துறை இன்று வெளியிட்ட ஆறு அஞ்சல் அட்டைகளில் ஒன்று இந்த வானொலியை மையப்படுத்தி வெளியிடப்பட்டுள்ளது.

One more interesting postcard related to radio released today by India Post!

சீன வானொலியின் புதிய ஒளிபரப்பு

அகில இந்திய வானொலி சமீப காலமாக பல ஒலிபரப்புகளை மூடியும், மாற்றம் செய்தும் வருகின்றது. குறிப்பாக முதலில் டெல்லி அகில இந்திய வானொலியில் செயல்பட்ட  செய்திக் குழுவை அந்தந்த மாநிலங்களுக்கு மாற்றம் செய்யதது. அதன் பின் வெளிநாட்டு சேவை நிறுத்தப்பட்டது. தமிழகத்திற்கு என்று இருந்த ஒரே ஒரு சிற்றலை ஒலிபரப்பும் அதன் பின் நிறுத்தப்பட்டது. சமீபத்தில் மத்திய அலைவரிசையிலும் கை வைத்துள்ளார்கள். 

இந்த சூழலில் தான் பல சர்வதேச ஊடங்கள் புதிதாக தனது பணிகளைத் தொடங்கியுள்ளது. குறிப்பாக பிபிசி தமிழ், தந்தி தொலைக்காட்சியில் தினமும் இரவு 7.40க்கு உலக செய்தியறிக்கையை வழங்கி வருகிறது. இது தவிர வார இறுதியில் 'கிளிக்' என்ற அறிவியல் நிகழ்ச்சியையும் ஒளிபரப்பி வருகிறது.

அதேப் போன்று சமீபத்தில் ஜெர்மனியின் பொது சேவை ஒலிபரப்பு நிறுவனமான Deutsch Welle (DW) புதிய தலைமுறையுடன் இணைந்து Eco India என்ற தமிழ் நிகழ்ச்சியை சனிக்கிழமை மாலை வேலையில் ஒளிபரப்பி வருகிறது.

கடந்த வாரம் முதல் நம் அண்டை நாடான சீனாவின் பொது சேவை ஒலிபரப்பு நிறுவனமான China Media Group (CMG), தந்தி தொலைக்காட்சியுடன் இணைந்து தினமும் மாலை 6.40க்கு "சி.எம்.ஜி. செய்திகளை" ஒளிபரப்பத் தொடங்கியுள்ளது. மிக நேர்த்தியாக, சுவாரஷ்யமான செய்திகளை திருமலை சோமு தொகுத்து வழங்கிவருகிறார்.

20-1-2022 முதல் இலங்கை வானொலியும் மீண்டும் "கொழும்பு சர்வதேச ஒலிபரப்பினை" மத்தியலை 873 கிலோ ஹெர்ட்சில் காலை 7.00 முதல் 8.00 மணி வரை ஒலிபரப்பத் தொடங்கியுள்ளது.

அனைத்துல நாடுகள் தங்களின் ஒலி, ஒளிபரப்புகளை மீட்டுருவாக்கம் செய்துவரும் இந்த சுழலில் தான், நமது அகில இந்திய வானொலி பல்வேறு ஒலிபரப்புகளையும், தூர்தர்ஷனின்  LPT மற்றும் HPT ஒளிபரப்பிகளையும் நிறுத்திவருகிறது. சமூக ஊடங்களை மட்டுமே நம்பி களத்தில் இறங்கியுள்ளது பெரிதும் ஆபத்தான ஒன்று. ஒலி, ஒளிபரப்புத் துறையில் முன் அனுபவம் இல்லாதவர்கள் தலைமைப் பொறுப்புக்கு வருவதே இவற்றிற்கெல்லாம் ஒரு காரணமாக நோக்கர்களால்  கருதப்படுகிறது.

மீண்டும் இலங்கை வானொலி

வானொலி தொடர்பான அஞ்சல் தலை மற்றும் முதல் நாள் கடித உறைகளை (First Day Cover) சேகரிக்கத் தொடங்கி 20 வருடங்கள் ஆகிறது. இதில் ஒரு சில உறைகள் விரைவில் கிடைத்துவிடும், ஆனால் ஒரு சில உறைகளை வருட கணக்கில் காத்திருந்து பெறவேண்டியதாக இருக்கும். அந்த வரிசையைச் சேர்ந்தது இந்த உறை.

இலங்கை வானொலியின் பொன்விழாவையொட்டி 2017இல் இந்த உறை வெளியானது, அன்று முதல் பல்வேறு நண்பர்களிடம் முயற்சி செய்து, இன்று தான் இது கிடைத்தது. கூடவே பயன்படுத்தாத மிக அழகிய ரூ.10 மதிப்புள்ள தபால் தலையும். 

60 மி.மீ x 30 மி.மீ அளவுள்ள இந்த முத்திரையை வடிவமைத்தவர் புலஸ்தி எதிரிவீர. இலங்கை அரசாங்க அச்சு திணைக்களத்தால் 5 ஜனவரி 2017 அன்று வெளியிடப்பட்டது. மொத்தமாக ஐந்து லட்சம் அஞ்சல் தலைகள் அச்சிடப்பட்டாலும், உலக அளவில் உள்ள வானொலி நேயர்கள் அனைவருக்கும் போதுமானதாக இல்லை. அதன் காரணமாகவே இது இன்று சந்தையில் விலை அதிகமாக விற்கப்பட்டு வருகிறது.

இலங்கை ஒலிபரப்பு சேவை 1924 ஜூன் மாதம் 27ஆம் தேதி பரீட்சார்த்த முறையில் தொடங்கினாலும், 1967 ஜனவரி மாதம் 5ஆம் தேதி முதல் தான் இது அரச கூட்டுத்தாபனமாகச் மாற்றம் செய்யப்பட்டது.  அது ஐம்பது ஆண்டுகள் ஆவதையொட்டி இந்த தபால் தலை முத்திரைப் பணியகத்தால் வெளியிடப்பட்டது.

நாளை 20-01-2022 காலை 7 மணி முதல் 8 மணிவரை  இலங்கை சர்வதேச வானொலி மீண்டும் மத்திய அலைவரிசையில் 873 கி.ஹெர்ட்ஸில் ஒலிபரப்ப உள்ளதையொட்டி இந்த அஞ்சல் தலை மற்றும் முதல் நாள் கடித உறைகளை உங்களின் பார்வைக்கு வைக்கிறேன்.

வானொலிப் பெட்டி திரைப்படம் யூடியூப்பில்

வானொலி பெட்டியை மையப்படுத்தி தமிழில் மிகக் குறைந்த திரைப்படங்களே வெளிவந்துள்ளன. அந்த வரிசையில் சமீபத்தில் வெளிவந்த இந்த 'ரேடியோ பெட்டி' பூசான் திரைப்பட விழாவில் வெற்றி பெற்றது. அந்த ஆண்டின் சர்வதேச கோவா திரைப்பட விழாவிலும் திரையிட தேர்வான ஒரே தமிழ் படம் இது மட்டுமே. தற்பொழுது யூடியுப்பில் இது முழுமையாக காணக்கிடைக்கிறது.

A Tamil movie related to Radio Set. It was also won the award in Busan International Film Festival.

RADIOPETTI:

https://youtu.be/W9w5TcxDtH4

watch now

வருடத்திற்கு ஒரு நாள் மட்டும் ஒலிபரப்பும் வானொலிகள்

 

கிருஸ்த்துமஸ் வானொலிகள் 

 

வருடத்திற்கு ஒரு நாள் மட்டும் ஒலிபரப்பும் வானொலிகள் உலகம் முழுதும் பல உள்ளன. அவை அனைத்தும் சிற்றலையில் மட்டுமே ஒலிபரப்பி வருகின்றன. சமீப காலமாக பல சிற்றலை வானொலிகள் நிறுத்தப்பட்டுவிட்டன. அதில் குறிப்பாக தெற்கு அட்லாண்டிக் பெருங்கடலில் உள்ள செயின்ட் ஹெலீனாவில் இருந்து ஒலித்த ‘ரேடியோ செயின்ட் ஹெலீனா’ வானொலியும் அடங்கும். இந்த வானொலி வருடத்தின் டிசம்பர் மாதத்தில் நான்காவது ஞாயிற்றுக்கிழமை அரைமணி நேரம் மட்டும் ஒலிபரப்பும். அந்த ஒலிபரப்பினைக் கேட்க உலகம் முழுவதும் தீவிரமான வானொலி நேயர்கள் விடிய விடிய காத்திருந்தது ஒரு காலம். 

 

 

 தமிழகத்தில் செயின்ட் ஹெலீனா வானொலியை நள்ளிரவு 12.30 முதல் 1.00 மணிவரை கேட்ட ஞாபத்தினை மறக்கவும் முடியுமா?. இந்த ஒலிபரப்பினை கேட்பதற்காகவே பல்வேறு இடங்களைத் தேடி, கடைசியில் எங்களுக்கு கிடைத்த இடம் தான் தாம்பரம் கிருஸ்த்துவ கல்லூரிக்கு பின்புறம் உள்ள மைதானத்திற்கு அருகில், காட்டின் ஓரத்தில் இருந்த திரு.பாலு (எ) பாலசுப்பிரமணியன் அவர்களின் இல்லம். பல வருடங்கள், இவர் வீட்டின் மொட்டைமாடியில் உள்ள Long Wire ஆண்டனாவின் துணை கொண்டு Radio Saint Helena ஒலிபரப்புகளைக் கேட்டதை மறக்க முடியாது. இன்றும் அவர்கள் அனுப்பிய QSL Cards அந்த நினைவுகளின் எச்சத்தினைத் தக்கவைத்துள்ளது. 

 

சமீபத்தில் International DX Club of India (IDXCI) புலனக் குழுமத்தில் ஒரு தகவல். அது வருடத்தின் ஒரு நாள் மட்டும் CW Mode (Morse Code)ல் ஒலிபரப்பும் வானொலியைப் பற்றியது. அந்த வானொலியின் கிருஸ்மஸ் சிறப்பு ஒலிபரப்பின் முழுமையான You Tube பக்கத்தினையும் அதில் பதிவேற்றியிருந்தனர். 

 

அந்த வானொலியின் சிறப்புகளில் ஒன்று, அது யுனஸ்கோவின் பாரம்பரிய பட்டியலில் இடம்பெற்றுள்ள உலகின் ஒரே வானொலி ஒலிபரப்பு நிலையமாகும். இந்த க்ரிமெட்டன் வானொலி நிலையம் ஸ்வீடனின் தெற்கு பகுதியில் உள்ள வர்பெர்க் நகரின் வெளிப்புரத்தில் அமைந்துள்ளது. 

 

வர்பெர்க்கில் உள்ள க்ரிமெட்டன் வானொலி நிலையம் 1922-24 கட்டப்பட்டது. ஆரம்பகால வயர்லெஸ் அட்லாண்டிக் தகவல்தொடர்புக்கு இது பெரிதும் பயன்பட்டுள்ளது. தற்பொழுது நன்கு பாதுகாக்கப்பட்ட நினைவுச்சின்னமாக இது உள்ளது. இங்கு ஆறு 127 மீட்டர் உயரமுள்ள எஃகு கோபுரங்களில் சிற்றலை ஒலிபரப்பிற்கான டிரான்ஸ்மிட்டரை அமைத்துள்ளார்கள். 

 

வழக்கமான பயன்பாட்டில் தற்பொழுது இல்லை என்றாலும், இங்குள்ள ஒலிபரப்பு சாதனங்கள் இயக்க நிலையில் பராமரிக்கப்படுகிறது. வருடத்திற்கு ஒரு நாள் மட்டும் இவர்கள் இன்றும் ஒலிபரப்புகிறார்கள். 109.9 ஹெக்டேர் தளத்தில் அலெக்சாண்டர்சன் டிரான்ஸ்மிட்டரைக் கொண்ட கட்டிடங்கள் கம்பீரமாக காட்சி அளிக்கின்றன. கட்டிடக் கலைஞர் கார்ல் அகெர்ப்லாட் அவர்கள் நியோ கிளாசிக்கல் பாணியில் இந்த கட்டிடங்களை வடிவமைத்துள்ளார். கட்டமைப்பு பொறியாளர் ஹென்ரிக் க்ரீகர் ஆண்டெனா கோபுரங்களை வடிவமைத்துள்ளார். 

 

அந்த காலகட்டத்தில் ஸ்வீடனில் கட்டப்பட்ட மிக உயரமான கட்டமைப்பாக இதனைக் கருதலாம். இந்த சிற்றலை ஒலிபரப்பு நிலையம், தொலைத்தொடர்பு வளர்ச்சிக்கு ஒரு சிறந்த உதாரணம் எனலாம். 100 ஆண்டுகளுக்கு முன் இருந்த சிற்றலை ஒலிபரப்பு தொழில்நுட்பத்தை அடிப்படையாகக் கொண்ட ஒரு பெரிய டிரான்ஸ்மிட்டர் நிலையமாக இது உள்ளது. உலகில் எஞ்சியிருக்கும் ஒரே உதாரணமாக இந்த வானொலி இன்றும் அமைந்துள்ளது. 

 

இந்த ஆண்டு 24 டிசம்பர் 2021 இந்திய நேரம் மதியம் 2.00 மணி முதல் 2.30 வரை சிற்றலைவரிசை 17,200 கிலோ ஹெர்ட்ஸில் (16 மீட்டர்) மோர்ஸ் குறியீட்டின் ஊடாக ஒலிபரப்பியது இங்கு குறிப்பிடத்தக்கது. இதில் மகிழ்ச்சியான செய்தி, இந்த ஒலிபரப்பு முழுவதையும் யூடியூப்பிலும் ஒளிபரப்பினார்கள். ஒலிபரப்பினைத் தவரவிட்டவர்கள் கீழே கொடுக்கப்பட்டுள்ள சுட்டியில் சென்று இப்பொழுதும் கேட்கலாம். வானொலி ஒலிபரப்பில் தான் எத்தனை சுவாரஸ்யமான தகவல்கள்.

 

இந்த வானொலியைத் தொடர்புகொள்ள:

World Heritage Grimeton Radio Station

Grimeton 72

SE-432 98 Grimeton

Sweden

Email: info@grimeton.org

Phone: (+46) 0340-67 41 90