தமிழ் மூலம் சீனம் கற்கலாம்! (வீட்டிலிருந்தபடியே!)

எளிமையான தமிழ் வழியே சீன வானொலி, 

சீன மொழி கற்றுத் தருகிறது!

உலகில் ஒரு பெரும் பொருளாதார சக்தியாக வளர்ந்து வருகிறது சீனா. இந்த நூற்றாண்டு சீனா, இந்தியா ஆகிய நாடுகளுக்குரிய ஆண்டாக இருக்கும் எனப் பல வல்லுநர்கள் சொல்லிவிட்டார்கள்.
ஆங்கிலேயர்கள், சீனத்தை ஆண்டதில்லை. அதனால் சீனாவின் வர்த்தகத்தில் சீன மொழி முக்கியத்துவம் வகிக்கிறது. 
இன்னொருபுறம், உலகில் நால்வரில் ஒருவர் சீனர். ஒவ்வொரு ஆண்டும் அதிகமான வெளிநாட்டவர் சீனாவுக்கு பயணம் மேற்கொள்கின்றனர் அல்லது வணிகம் செகின்றனர். இதன் காரணமாக சீன மொழி முக்கியத்துவம் பெறுகிறது.
இப்போது தமிழ் மூலம் சீன மொழியைக் கற்க முடியும். சீன வானொலி இதற்கான வகுப்புகளை நடத்தி வருகிறது. அந்தப் பாடங்களை அதனுடைய இணையதளத்திலும் வெளியிட்டு வருகிறது. பாடங்கள் எளிதாக வடிவமைக்கப்பட்டுள்ளன. 
கீழே ஓர் உதாரணம்:
வணக்கம் நேயர்களே, இன்று முதலாவது பாடம். அதன் தலைப்பு WEN HOU
என்பதாகும். தமிழ் மொழியில் வணக்கம் தெரிவிப்பது என்று பொருள். 
சீன வழக்கத்தின் படி, இருவர் சந்திக்கும் போது, ஒருவருக்கொருவர் NI HAO
என்று கூறுவர். 
NI என்றால், தமிழில் நீ என்பது பொருள். HAO என்றால், நன்று என்று பொருள். இதை எந்த நேரத்திலும் எந்த இடத்திலும் எவரும் பயன்படுத்தலாம். 
NI HAO என்று ஒருவருக்குச் சோல்லும்போது, எதிர்த்தரப்பினரும் NI HAO என்று பதிலளிப்பார். தமிழரும் இப்படித்தானே? இருவர் சந்திக்கும்போது, பரஸ்பரம் வணக்கம் தெரிவிப்பது வழக்கம் அல்லவா?

இப்போது நீங்கள் எங்களுடன் சேர்ந்து படியுங்கள், NI HAO (இதன் மூலம் உச்சரிப்புச் சோல்லிக் கொடுக்கிறார்கள்).
சீன மக்கள் காலத்தைக் குறிப்பிட்டு வணக்கம் தெரிவிப்பது உண்டு. எடுத்துக்காட்டாக, காலையில் ZAO SHANG HAO என்று கூறுவர். ZAO SHANGஎன்றால், காலை என்று பொருள். 
இப்போது, எங்களுடன் சேர்ந்து படியுங்கள். ஙூஅZAO SHANG HAO
முற்பகல் SHANG WU HAO என்று கூறுவர். SHANG WU என்றால், முற்பகலைக் குறிக்கும். இப்போது எங்களுடன் சேர்ந்து படியுங்கள்.

இப்படிப் போகிறது பாடம்...
'இன்று 4 சோற்களைத் தெரிந்து கொண்டோம். இந்த 4 சோற்களும், உங்கள் மனதில் பதிந்திருக்கின்றனவா? பாடத்துக்குப் பின் அதிக முறை பயிற்சி செயுங்கள். இந்த நிகழ்ச்சி பற்றி யோசனை தெரிவிக்க விரும்பினால், வான் அஞ்சல் அல்லது இ-மெயில் மூலம் எங்களுக்குத் தாராளமாகத் தெரிவியுங்கள். மீண்டும் சந்திப்போம்' என்று சோல்லி நிகழ்ச்சி நிறைவடைகின்றது.
தமிழ் மூலம் சீனம் நிகழ்ச்சி செவ்வா, வெள்ளி இரு தினங்கள் ஒலிபரப்பாகின்றன. சீன வானொலியின் நிகழ்ச்சிகளை இரவு 7:30-8:30 வரை சிற்றலை 31.35 மீட்டர்-9570 கி.ஹர்ட்ஸ் , 31.04 மீட்டர்-9665 கி.ஹர்ட்ஸ் ஆகிய அலைவரிசைகளில் கேட்கலாம். 
பாடங்களை இணையதளத்திலும் தமிழில் பார்க்கலாம். இணையதள முகவரி: www.tamil.cri.cn

 

Source: Puthiya Thalaimurai FB