ஒரு சில புத்தகங்களை நம் வாழ்க்கையில் மறக்க முடியாது. ஒரு காலத்தில் இந்த புத்தகம் நமக்கு கிடைக்காதா என்று ஏங்கியிருக்கிறோம். இன்று அதேப் புத்தகத்தின் அனைத்துப் பதிப்புகளும் நம் கைவசம் இருந்தால் எப்படியிருக்கும். அப்படியான புத்தகம் தான் இந்த WRTH.

உலக வானொலி மற்றும் தொலைக்காட்சி கையேடு 2026 (World Radio TV Handbook 2026) என்பது வானொலி மற்றும் ஊடகத் துறையில் இருப்பவர்களுக்கு ஒரு மிக முக்கியமான ஆவணமாகத் திகழ்கிறது. 1947-ஆம் ஆண்டு தொடங்கப்பட்ட இந்த கையேடு, இந்த ஆண்டு தனது 80-வது பதிப்பை வெளியிடுவதன் மூலம் ஒரு வரலாற்று மைல்கல்லை எட்டியுள்ளது. 832  பக்கங்களைக் கொண்ட இந்த பிரம்மாண்டமான புத்தகம், உலகம் முழுவதும் உள்ள நாடுகளின் வானொலி நிலையங்கள், அவற்றின் அலைவரிசைகள், ஒலிபரப்பு நேரங்கள் மற்றும் தொழில்நுட்ப விவரங்களை உள்ளடக்கிய ஒரு முழுமையான தகவல் களஞ்சியமாக விளங்குகிறது. குறிப்பாக, அச்சு வடிவில் வெளியாகும் கடைசிப் பதிப்பு இது என்பதால், உலகெங்கிலும் உள்ள வானொலி ஆர்வலர்கள் மற்றும் சேகரிப்பாளர்கள் மத்தியில் இதற்குப் பெரும் வரவேற்பு கிடைத்துள்ளது.

இந்த 2026-ஆம் ஆண்டு பதிப்பு முந்தைய ஆண்டுகளை விட கூடுதல் சிறப்பம்சங்களுடன் வடிவமைக்கப்பட்டுள்ளது. இதில் மொத்தம் 96 வண்ணப் பக்கங்கள் இடம்பெற்றுள்ளன, இது வழக்கமான பதிப்புகளை விட 32 பக்கங்கள் அதிகமாகும். இந்த வண்ணப் பக்கங்களில் நார்ஃபோக் தீவு, ஜிப்ரால்டர் மற்றும் டோங்கா போன்ற தீவு நாடுகளின் வானொலி வரலாறு மற்றும் தற்போதைய ஒலிபரப்பு நிலை குறித்த சுவாரசியமான கட்டுரைகள் புகைப்படங்களுடன் விரிவாக வழங்கப்பட்டுள்ளன. இது வெறும் தரவுப் பட்டியலாக மட்டுமல்லாமல், ஒரு வரலாற்றுப் புத்தகமாகவும் வாசிப்பவர்களுக்குப் பயனுள்ளதாக அமைகிறது. மேலும், சர்வதேச வானொலி நிலையங்களின் முகவரிகள், தொலைபேசி எண்கள், மின்னஞ்சல் முகவரிகள் மற்றும் இணையதளத் தரவுகள் அனைத்தும் மிகத் துல்லியமாகச் சரிபார்க்கப்பட்டு இதில் சேர்க்கப்பட்டுள்ளன.

தொழில்நுட்ப ரீதியாகப் பார்க்கும் பொழுது, இந்த கையேடு நவீன கால மாற்றங்களுக்கு ஏற்ப தன்னைத் தகவமைத்துக் கொண்டுள்ளது. குறிப்பாக, டிஜிட்டல் ரேடியோ மாண்டியல் (DRM) மற்றும் எச்.டி (HD) வானொலி தொழில்நுட்பங்கள் குறித்த விரிவான பகுதிகள் இதில் உள்ளன. தற்போதைய சூழலில் டிஜிட்டல் ஒலிபரப்புகள் அதிகரித்து வருவதால், அவற்றைப் பிடிப்பதற்கான வழிமுறைகளும், அலைவரிசைப் பட்டியல்களும் தெளிவாகக் கொடுக்கப்பட்டுள்ளன. அதேபோல், எஸ்.டி.ஆர் (SDR) எனப்படும் மென்பொருள் சார்ந்த வானொலி கருவிகள் மற்றும் புதிய ரக ரிசீவர்கள் குறித்த நிபுணர்களின் ஆய்வுகள், புதிய கருவிகளை வாங்கத் திட்டமிடுபவர்களுக்குச் சிறந்த வழிகாட்டியாக அமைகின்றன. அலைவரிசைகளின் குறுக்கீடுகள் மற்றும் புவிசார் தகவல் தொடர்புகள் குறித்த நுணுக்கமான தகவல்களும் இதில் இடம்பெற்றுள்ளன.

இருப்பினும், இந்த 2026 பதிப்பு ஒரு வருத்தமான செய்தியையும் சுமந்து வந்துள்ளது. காகித விலை உயர்வு மற்றும் கப்பல், பான் அஞ்சல் போக்குவரத்துச் செலவுகள் உலக அளவில் அதிகரித்துள்ளதால், அச்சு வடிவில் வெளிவரும் கடைசிப் பதிப்பு இதுவே என்று நிர்வாகம் அறிவித்துள்ளது. 80 ஆண்டுகால அச்சுப் பாரம்பரியம் இந்த ஆண்டோடு நிறைவடைகிறது. இனிவரும் காலங்களில் WRTH முழுமையாகத் தனது இணையதளம் மற்றும் மொபைல் ஆப் (Web App) வழியாகவே தனது சேவைகளைத் தொடர உள்ளது. இதனால், இந்த 2026 அச்சுப் பதிப்பானது ஒரு அரிய சேகரிப்புப் பொருளாக (Collector's Item) மாறியுள்ளது. குறிப்பாக, கையொப்பமிடப்பட்ட மற்றும் வரிசை எண் இடப்பட்ட சிறப்புப் பதிப்புகள் வெளியானதுமே விற்றுத் தீர்ந்தது இதன் மதிப்பை உணர்த்துகிறது.

நிறைவாக, உலக வானொலி மற்றும் தொலைக்காட்சி கையேடு 2026 என்பது ஒரு சகாப்தத்தின் நிறைவாகக் கருதப்படுகிறது. வானொலி அலைகளைத் தேடிப் பிடிக்கும் ஆர்வம் கொண்டவர்களுக்கும், உலகளாவிய ஒலிபரப்புத் துறையை ஆய்வு செய்பவர்களுக்கும் இது ஒரு தவிர்க்க முடியாத பொக்கிஷமாகும். அச்சுப் பதிப்பு நின்று போனாலும், அதன் டிஜிட்டல் வடிவம் மற்றும் பி.டி.எஃப் (E-book) பதிப்புகள் மூலம் இந்தத் தகவல்கள் தொடர்ந்து பகிரப்படும் என்பது ஆறுதலான விஷயம். வானொலி ஆர்வலர்கள் தங்களின் நூலகத்தில் பெருமையுடன் வைத்துக்கொள்ள வேண்டிய ஒரு வரலாற்று ஆவணமாகவே இந்த 80-வது பதிப்பைப் பார்க்க முடியும்.

புத்தகம் தேவைப்படுவோர் தொடர்பு கொள்ள வேண்டிய முகவரி WRTH (at) WRTH  (dot) ORG

ஒரு வானவில் வாழ்க்கை - புத்தக வெளியீடு

ஆஸ்ட்ரோ ரேடியோ (முன்னர் ஏர்டைம் மேனேஜ்மென்ட் அண்ட் புரோகிராமிங்) என்பது ஒரு மலேசிய ரேடியோ நெட்வொர்க் நிறுவனமாகும், இது 1996 முதல் ரேடியோ ஒலிபரப்பு சேவைகளையும் மலேசியாவில் செய்துவருகிறது. இது மலேசியாவில் 12 தனியார் பண்பலை ரேடியோ நிலையங்களை சொந்தமாக வைத்து நிர்வகிக்கிறது.

நவம்பர் 2024 நிலவரப்படி, மலேசியாவில் ஆஸ்ட்ரோ ரேடியோ இன்றும் முதலிடத்திலும் மிகப்பெரிய ரேடியோ நெட்வொர்க் நிறுவனமாகவும் உள்ளது, தீபகற்ப மலேசியர்களில் 72% பேரும், வாரந்தோறும் 14.9 மில்லியன் மக்கள் இந்த வானொலியைக் கேட்கின்றனர்.

இதன் இணை நிறுவனமான மீடியா பிரைமா ஆடியோ - கூல் 101, ஃப்ளை எஃப்எம், எட்டு எஃப்எம், ஹாட் எஃப்எம் மற்றும் மோலெக் எஃப்எம் ஆகியவையும் பண்பலையில் ஒலிபரப்பி வருகின்றன.

 இந்த வானொலி / தொலைக்காட்சியின் இயக்குநராக 25 வருடங்கள் இருந்த முனைவர்.என்.சி.ராஜாமணி அவர்களின் வாழ்க்கை வரலாற்றினை திரு.ராணிமைந்தன் "ஒரு வானவில் வாழ்க்கை" என்ற தலைப்பில் எழுதியுள்ளார். 

இந்த புத்தகம் நாளை இதழியல், தொடர்பியல் துறை சார்பில்  சென்னைப் பல்கலைக்கழகத்தில் மதியம் 2.00 மணிக்கு F50 அரங்கில் வெளியிடப்படுகிறது. அனைத்து வானொலி உறவுகளையும் அன்புடன் அழைக்கிறோம்.

ஒலியலை ஓவியர்கள் - புத்தக வெளியீட்டு விழா

18.09.2024 அன்று சென்னைப் பல்கலைக்கழக வளாகத்தில் 

மாண்புமிகு தமிழ் வளர்ச்சி மற்றும் செய்தித் துறை அமைச்சர் திரு. மு. பெ. சாமிநாதன் அவர்கள் சென்னைப் பல்கலைக்கழகம், இதழியல் மக்கள் தொடர்பியல் துறை மற்றும் சென்னை இந்திய ஒலி ஒளிபரப்பாளர் மன்றம் இணைந்து நடத்திய, முனைவர் வெ. நல்லதம்பி அவர்கள் எழுதிய “ஒலியலை ஓவியர்கள்” என்ற நூலினை வெளியிட்டார். இந்நிகழ்ச்சியில் அமெரிக்க துணைத் தூதரகம் உதவித் தூதர் திருமிகு. ஜீன் பிரகன்டி, சென்னை பல்கலைக்கழகத்தின் பதிவாளர் பேராசிரியர் ஏழுமலை, பெரியார் பல்கலைக்கழகத்தின் முன்னாள் துணைவேந்தர் முனைவர் மு. தங்கராசு, இதழியல் மக்கள் தொடர்பியல் துறை இணைப் பேராசிரியர் & துறைத் தலைவர் முனைவர் டி.ஆர். கோபாலகிருஷ்ணன், (பொறுப்பு), சென்னை பல்கலைக்கழகத்தின் இதழியல் துறை உதவி பேராசிரியர் ஜெயசக்திவேல், சென்னை வானொலி நிலையத்தின் முன்னாள் இயக்குநர் திரு கமலநாதன், தமிழ் வளர்ச்சித் துறை இயக்குநர் முனைவர் ந. அருள் ஆகியோர் பங்கேற்றனர்.

#

பத்திரிகை செய்தி:

 சென்னைப் பல்கலைக்கழக இதழியல்,  தொடர்பியல் துறையும், சென்னை இந்திய ஒளி,ஒலிபரப்பாளர் மன்றமும் இணைந்து முனைவர்.வெ.நல்லதம்பி எழுதிய "ஒலியலை ஓவியர்கள்" புத்தக வெளியீட்டு விழாவிற்கு உங்களை அன்புடன் அழைக்கிறோம்.  இந்த நிகழ்வு, செப்டம்பர் 18, 2024 புதன்கிழமை அன்று காலை 10:30 மணிக்கு சென்னைப் பல்கலைக்கழகத்தின் நூற்றாண்டு கட்டிடத்தில் உள்ள F50 அரங்கத்தில் நடைபெறும்.  இந்நிகழ்ச்சியில், மாண்புமிகு தமிழக அரசின் தமிழ் வளர்ச்சி மற்றும் தகவல் துறை அமைச்சர் உட்பட பல சிறப்புப் பேச்சாளர்கள் கலந்துகொண்டு, நூலின் முதல் பிரதியை வெளியிடவுள்ளனர். 

 #

முதல் பெண் உளவு ரேடியோ ஆபரேட்டர்

சமீபத்தில் வானொலித் தொடர்பாக ஒரு புத்தகத்தினை படிக்க வாய்ப்பு கிடைத்தது. வெப் சீரீஸ்க்கு தகுந்த உண்மைக் கதை இது. புத்தகத்தின் பெயர் Spy Princes: The life of the Noor Inayat Khan. மிகவும் சுவாரஷ்யமான ஆங்கிலப் புத்தகம் இது. எழுதியவர் Shrabani Basu. 230 பக்கங்கள் கொண்ட இந்த புத்தகத்தினை Roli Books ரூ.495க்கு வெளியிட்டுள்ளது.

உளவு இளவரசி என்ற இந்தப் புத்தகம் இரண்டாம் உலகப் போரின்போது ரகசிய முகவராக மாறிய திப்பு சுல்தானின் வழித்தோன்றலான நூர் இனாயத் கானின் உண்மைக் கதைதான் இது. இவர் 1943இல் ஆக்கிரமிக்கப்பட்ட பிரான்சுக்குள் ஊடுருவிய முதல் பெண் ரேடியோ ஆபரேட்டராகப் பணியாற்றினார். இவர் பயன்படுத்திய வானொலிப் பெட்டி மற்றும் ஏரியல்கள் இன்றும் இம்பீரியல் போர் அருங்காட்சியகத்தில் காட்சிக்கு வைக்கப்பட்டுள்ளன.

'மேடலின்' என்ற குறியீட்டு பெயரில் நூர் இராணுவத்தில் பணிபுரிந்தார். இவர் பணியாற்றிய படை தோல்வியை நோக்கி தள்ளப்பட்டது. இவர்தான் லண்டனுடன் வானொலி ஊடாக செய்தியை அனுப்பும் கடைசி இணைப்பாக இருந்தார். உயிர்  ஆபத்துகள் இருந்தபோதிலும் தனது பணியை கைவிட மறுத்து, போர் களத்தில் இருந்து ரகசிய வானொலி  ஒலிபரபினைச் செய்து செயல்பட்டார்.

இருப்பினும், இவர் ஜெர்மனியர்களால் காட்டிக் கொடுக்கப்பட்டு, அந்த நாட்டின்  இராணுவத்தால் கைது செய்யப்பட்டு டச்சாவ் வதை முகாமில் சுடப்பட்டு 30 வயதில் இறந்தார்.

இவரது அசாதாரண துணிச்சலுக்காக பிரிட்டன் இவருக்கு மரணத்திற்குப் பின் ஜார்ஜ் கிராஸ் விருதை வழங்கியது, மேலும் பிரான்ஸ் இவருக்கு குரோயிக்ஸ் டி குரே விருது வழங்கியது.

இந்திய வம்சாவளியைச் சேர்ந்த ஒருவர் முதல் பெண் உளவு ரேடியோ ஆபரேட்டராக இருந்துள்ளார் என்பது ஒரு வகையில் நமக்கெல்லாம் பெருமையே. நூர் இனாயத் கான் புகழ் ஓங்கட்டும்.

புத்தகம் வாங்குவதற்கான சுட்டி முதல் கமெண்டில்.
Limited-time deal: Spy Princess: The Life of Noor Inayat Khan https://amzn.eu/d/aPaop03

#வானொலி #சர்வதேசவானொலி #ரேடியோ #நூர்இனாயத்கான் #SpyPrinces  #NoorInayatKhan  #புத்தகம் #ShrabaniBasu #RoliBooks