CubeSats with Amateur Radio / அமெச்சூர் வானொலிக்காக

அமெச்சூர் வானொலிக்காக மற்றும் மூன்று க்யூப்சேட்-ஸ் இந்த மே மாதத்தில். செலுத்தப்பட்டுள்ளது.

Three CubeSats with Amateur Radio Payloads Deployed from ISS

The Japan Aerospace Exploration Agency (JAXA) has announced that three CubeSats carrying Amateur Radio payloads, including one with a V/U linear transponder, were deployed from the International Space Station (ISS) on May 11 at around 1030 UTC.

#அமெச்சூர் #அமெச்சூர் #Ham #Radii

Sent from Yahoo Mail for iPhone

ஹாம் ரேடியோ ஒலிப்பியல் முறை

சர்வதேச தொலைத்தொடர்பு குழுமம் அனைத்து ஆங்கில எழுத்துக்களுக்கும் பொதுவான ஒலிப்பியல் முறையை அகர வரிசைப் படி கொடுத்துள்ளது. அவற்றை இப்பொழுது காணலாம்.

A – Alfa (ஆல்ஃபா)

B – Bravo (ப்ராவோ)

C – Charlie (சார்லி)

D – Delta (டெல்டா)

E – Echo (எக்கோ)

F – Foxtrot (பாஃக்ஸ்ட்ராட்)

G – Golf (கோல்ஃப்)

H – Hotel (ஹோட்டல்)

I – India (இந்தியா)

J – Juliet (ஜூலியட்)

K – Kilo (கிலோ)

L – Lima (லீமா)

M – Mike (மைக்)

N – November (நவம்பர்)

O – Oscar (ஆஸ்கர்)

P – Papa (பாப்பா)

Q – Quebec (க்யூபெக்)

R – Romeo (ரோமியோ)

S – Sierra (சியர்ரா)

T – Tango (டேங்கோ)

U – Uniform (யூனிபார்ம்)

V – Victor (விக்டர்)

W – Whiskey (விஸ்கி)

X – X-ray (எக்ஸ்ரே)

Y – Yankee (யாங்கீ)

Z – Zulu (ஜூலு)

ஹாம் வானொலி ஒலிபரப்பின் போது, இந்த ஒலிப்பியல் முறையை உலகம் முழுவதும் பயன்படுத்தி வருகின்றனர். இதனால் தான், ஹாம் வானொலியை “ஒரே மொழி, ஒரே உலகம்” என்று கூறுகிறோம். காரணம், அனைத்து மொழி பேசுபவர்களும் இந்த ஒலிப்பியல் முறையைப் பயன்படுத்துவதால், இதில் எந்த வித குழப்பமும் ஏற்படுவதில்லை.

ஹெச்.எஃப் ஒலிபரப்பு

பொதுவாக நாம் உள்ளூர் வானொலி நிலையங்களைத் தொடர்பு கொள்வதை விட வெளிநாட்டு ஹாம் வானொலிகளைத் தொடர்பு கொள்வதில் மிகுந்த ஆர்வம் கொண்டவர்களாக இருப்போம். அந்த வகையில் ஹெச்.எஃப் ஒலிபரப்புகளை செய்யும் பொழுது, எப்படி தொடங்குவது? என்பதை அறிந்து கொள்வோம்.

1. நிலையங்களைத் தேடுதல்

ஒரு பரந்த ஒலி வெளியில் தேடுதல் என்பது சாதாரண விடயம் அல்ல. சாதாரணமாக தொலைப்பேசியில் அழைப்பது போன்று ஹாம் வானொலியில் அழைக்க முடியாது, அழைக்கவும் கூடாது. அதற்கு என்று ஒரு முறை உள்ளது. ஆங்கிலத்தில் சி.க்யூ (CQ) என்பர். தொடக்க காலத்தில் Calling CQ என்று அழைப்பு விடுத்தனர். இன்று “CQ CQ CQ, this is Victor Uniform Three Uniform Oscar Mike, standing by….” என்று அழைப்பு விடுப்பது நடைமுறையில் உள்ளது. இதில் Uniform Oscar Mike என்பது எனது அழைப்புக் குறியீட்டின் (Call Sign) முதல் எழுத்துக்களின் சுருக்கம் அதாவது UOM என்பதாகும். ஒலிபரப்பின் போது ஒரே சத்தம் உள்ள எழுத்துக்களின் குழப்பத்தினைப் போக்க வேண்டியே, இதற்கு ஒவ்வொரு வார்த்தையைப் பயன்படுத்துகின்றனர். உதாரணமாக B, E, T, P ஆகிய வார்த்தைகளைக் கூறலாம். இந்த வார்த்தைகளை வானொலியில் ஒலிபரப்பும் பொழுது பெரிய குழப்பங்கள் ஏற்படுகிறது.

சர்வதேச தொலைத்தொடர்பு குழுமம் அனைத்து ஆங்கில எழுத்துக்களும் பொதுவான ஒலிப்பியல் முறையை வழங்கியுள்ளது. ஒரு சில சமயங்களில் G என்பதற்கு Golf என்று கூறவேண்டும், ஆனால் அதுவும் புரியவில்லை என்றால், சற்றே விளக்குவதற்காக அதனை Germany என்றும் கூறுவதுண்டு. ஆனால், இது எல்லா சமயங்களிலும் பயன்படுத்தப்படுவதில்லை.

2. கவனியுங்கள்

ஹாம் ஒலிபரப்பின் போது, உங்கள் எதிர் புறம் தொடர்பு கொள்பவரின் அழைப்புக் குறியீட்டை நன்றாக கவனித்து குறித்துக் கொள்வது அவசியம். ஒலிபரப்பு தெளிவாக இருந்தால், எளிதில் குறித்துக் கொள்ளலாம், ஒரு சில சமயங்களில் தெளிவில்லாமல் இருக்கும். அந்த சமயங்களில் ஒரு முறைக்கு மூன்று முறை உங்களின் அழைப்புக் குறியைச் சொல்வது அவசியம் ஆகும். அதே சமயத்தில் நீங்கள், அவர்களின் அழைப்புக் குறியீட்டை ஒரு முறை சொன்னால் போதுமானது. ஆங்கிலத்தில் இதனை 1-by-3 call என்பர்.

3. பதில் தாருங்கள்

உங்களைப் போன்றே, உங்களைத் தொடர்பு கொள்பவரும், உங்களின் அழைப்புக் குறியீட்டினை தெளிவாக அறிந்து கொள்ள விரும்புவார். அதனால், உங்களின் அழைப்புக் குறியீட்டினை தெளிவாக மூன்று முறை கண்டிப்பாக சொல்லவும். அதன் ஊடாகத் தான் அவர் உங்களின் முகவரியைக் குறித்துக் கொண்டு, உங்களுக்கான க்யூ.எஸ்.எல். அட்டையை அனுப்புவார். அதேப் போன்று அவருக்கு, உங்கள் வானொலிப் பெட்டியில் கிடைக்கும் சிக்னல் ரிப்போர்டை தெரிவியுங்கள். தொடர்பு கொள்பவரின் விபரங்களை உங்களின் log book-ல் கண்டிப்பாக தெளிவாக குறித்துக் கொள்ளவும். அதன் துணை கொண்டே அவருக்கான க்யூ.எஸ்.எல். அட்டையை அனுப்ப வேண்டியிருக்கும்.

ஹாம் வானொலியில் பயன்படுத்தப்படும் முக்கியமான க்யூ குறியீடுகள்

ஹாம் வானொலியில் பயன்படுத்தப்படும் முக்கியமான க்யூ குறியீடுகளையும், அதற்கான விளக்கத்தினையும் விரிவாக காணலாம்.

QRG – என்னுடைய சரியான அலைவரிசை என்ன?

QRL – அந்த அலைவரிசை பிசியாக உள்ளதா?

QRM – ஏதேனும் இடைஞ்சலுக்கு உள்ளாகிறீர்களா?

QRN – எனது ஒலிபரப்பினை நிலையாகக் கேட்க முடிகிறதா?

QRO – என்னுடைய ஒலிபரப்பின் சக்தியைக் கூட்டவா?

QRP – என்னுடைய ஒலிபரப்பின் சக்தியைக் குறைக்கட்டுமா?

QRQ – வேகமாக அனுப்பட்டுமா?

QRS – இன்னும் மெதுவாக அனுப்பட்டுமா?

QRT – அனுப்புவதை நிறுத்திக்கொள்ளட்டுமா?

QRU – வேறு ஏதேனும் எனக்கான தகவல் இருக்கிறதா?

QRV – தயாராக உள்ளீர்களா?

QRX – காத்திருக்கட்டுமா?

QRZ – யார் அழைக்கிறீர்கள்?

QSB – எனது சிக்னல் குறைந்து வருகிறதா?

QSL – எனது ஒலிபரப்பினை பெறுவதோடு, புரிந்துகொள்ள முடிகிறதா?

QSP – நான் ரிலே செய்யட்டுமா?

QSX – என்னை _________ எனும் அலைவரிசையில் கேட்கிறீர்களா?

QSY – வேறு ஒரு அலைவரிசைக்கு மாற்றிக் கொள்ளட்டுமா?

QTC – எனக்கு உங்களிடம் இருந்து வேறு ஏதேனும் தகவல் உள்ளதா?

QTH – நீங்கள் வசிக்கும் இடம் எது?

ஆகிய குறியீடுகள், இன்றும் ஹாம் வானொலிகளுக்கிடையே தவிர்க்க முடியாத குறியீடுகளாக இருந்து வருகிறது. ஆங்கிலத்தில் சொல்வதற்கும், அதனையே தமிழில் மொழி மாற்றம் செய்து சொல்வதற்கும், பெரிய வேறுபாடு உள்ளது. முடிந்த வரை அவற்றை அனைவருக்கும் புரியும் தமிழில் மொழிபெயர்த்துள்ளோம்.

சீன வானொலியின் APP IN&CH பரப்புரை

சீன வானொலி தமிழ் பிரிவின் தலைவர் கலைமகள், தென்னாசிய மையத்தின் தலைவருடன் 2018 ஏப்ரல் 24ஆம் நாள் செவ்வாய் மாலை 6.00 மணிக்கு சென்னையிலுள்ள EXPRESS AVENUE-ல் சிறப்பு பரப்புரை நிகழ்ச்சியை நடத்த உள்ளார்கள். உங்கள் வருகையை மனமார எதிர்பார்க்கிறது சீன வானொலி.

நிகழ்ச்சியில் சீன வானொலியின் APP IN&CH பரப்புரை செய்ய உள்ளனர். நேயர்கள் அப்போது பதிவிறக்கினால், சிறப்பு பரிசுகள் பெறலாம். நாளை மாலை உங்களை சந்திக்க சீன வானொலி தமிழ் பிரிவு சென்னை ராயப்பேட்டையில் உள்ள எக்ஸ்பிரஸ் மாலில்...!

Sent from Yahoo Mail for iPhone

ஹாம் வானொலிப் போட்டிகள்

ஹாம் வானொலி என்பது ஒரு அறிவுப்பூர்வமான ஊடகம். இதன் துணைகொண்டு நாம் நம் பொது அறிவினை மட்டுமல்லாது, அறிவியல் மற்றும் தொழில்நுட்ப அறிவையும் வளர்த்துக் கொள்ள முடிகிறது. உலக அளவில் ஹாம் வானொலித் தொடர்பாக பல போட்டிகள் நடைபெறுகின்றன. அவற்றில் கலந்து கொள்வதன் மூலம், உலக அளவில் புகழ்பெறுவதற்கும் வாய்ப்புகள் அதிகம்.

ஹாம் வானொலிப் போட்டிகள்

ஹாம் வானொலிப் போட்டிகளில் ஹாம்கள் கலந்து கொள்வது என்பது ஒரு வகையில் அவர்கள் தன்னை நிலைநிறுத்திக் கொள்வதற்கானது என்று வைத்துக்கொள்ளலாம். காரணம், வெறுமனே, ஹாமாக இருப்பதில் ஒன்றும் சுவாரஷ்யம் இல்லை. ஹாம் போட்டிகளில் உடனுக்குடன், அவரவர்களின் அடையாளக் குறியீடுகள் பகிர்ந்துகொள்ளப்படுவதுடன், குறுகிய வாக்கியங்களாக தகவல்களையும் பகிர்ந்து கொண்டு அடுத்த தொடர்புக்கு சென்று விடுவர். காரணம் போட்டிகளில் யார் அதிக ஹாம்களை ஒரு குறிப்பிட்ட நேரத்திற்குள் தொடர்பு கொள்கிறார்களோ, அவர்களுக்கே வெற்றி பெரும் வாய்ப்புகள் அதிகம்.

ஒரு சில போட்டிகளில் சுவாரஷ்யத்திற்கு பஞ்சம் இருக்காது. குறிப்பாக தொலைதூர நாடுகளில் இருந்து வரும் ஹாம் வானொலிகளைப் பிடிப்பது அனைவருக்குமே சவாலான ஒன்று தான். அதுவும் குறைந்த சக்தியில் ஒலிபரப்பும் ஹாம் வானொலிகளைப் பிடிப்பது என்பது  யாருக்குமே ஒரு மகிழ்ச்சியைக் கொடுக்கும் நிகழ்வு தான். பொதுவாகவே இது போன்ற ஹாம் போட்டிகளில் கலந்து கொள்ளும் பொழுது ஒரு சில சட்ட திட்டங்களை கொண்டு செயல்படுவது இன்றியமையாததாகும். அவை,

ஹாம் வானொலிகளோடு உரையாடும் பொழுது சுருக்கமாக முடித்துக்கொள்ள வேண்டும். முக்கியமாக ஹாம்களின் அழைப்பு குறியீடுகளை (Call Sign) தெளிவாகக் கேட்டுக்கொண்டு, உங்களின் சிக்னல் எப்படி அவருக்கு கிடைக்கிறது என்பதனையும் தெரிந்து கொண்டு தொடர்பினை துண்டிப்பது நல்லது. காரணம், இது போன்ற அரிதான ஹாம் நிலையத்தினை தொடர்பு கொள்ள நம்மைப் போன்றே பலரும் ஆவலுடன் இருப்பர். மேலும், நமக்கும் கூடுதலாக நேரம் கிடைப்பதால், இன்னும் இரண்டு ஹாம்களை அந்த நேரத்தில் பிடித்துவிடலாம். எனவே போட்டிகளின் போது சுருக்கம் மிக அவசியம். காலமும் காலநிலையும் பின்பொரு சமயத்தில் கைக்கொடுக்கும் பட்சத்தில் அந்த தொடர்பினை மீண்டும் ஏற்படுத்திக் கொள்ளலாம்.

போட்டியில் கலந்துகொள்ளும் பொழுது, உங்களிடம் தொடர்பு கொள்ளும் நிலையம் முதலில் என்ன சொல்லவருகிறது என்பதைத் தெளிவாகக் கேளுங்கள், அதன் பின், அந்த நிலையம் எங்கே இருந்து ஒலிபரப்புகிறது. பொதுவாக இது போன்ற போட்டிகளில், ZONE-களின் எண்கள் பறிமாற்றம் செய்துகொள்ளப்படும். மேலும் போட்டி நடத்துபவர்கள், ஒரு சில எண்களைக் கொடுத்திருப்பர். அப்படியான சமயத்தில், அந்த எண்களை மனதில் பதிய வைத்துக்கொள்வது நலம் தரும்.

போட்டிகளுக்கு நுழைவதற்கு முன் போட்டியின் நிபந்தனைகளைத் தெளிவாக படித்துக்கொள்வது நலம். காரணம், தேவையற்ற குழப்பத்தினை போட்டியின் போது தவிர்க்கலாம். என்ன விதமான தகவல்களை போட்டியாளர்கள் கேட்கிறார்கள் என்பதனைப் பொருத்து, உங்களின் உரையாடலில் அவை இருக்க வேண்டும். பொதுவாக சிக்னல் ரிப்போர்ட்களும், இடங்களும் மட்டுமே பறிமாற்றம் செய்துகொள்ளப்படும். ஒரு சில சமயங்களில் வரிசை எண்கள் பறிமாற்றம் செய்து கொள்ளப்படும். நீங்கள், எத்தனையாது தொடர்பாளர் என்பதனை எதிர்புறம் இருந்து உங்களுக்கும், உங்களின் தொடர்பில் அவரின் வரிசை எண்ணையும் தெளிவாக பறிமாற்றம் செய்துகொள்ள வேண்டும்.

இது போன்ற போட்டிகளில் கலந்து கொள்பவர்களுக்கு பொதுவான ஒரு சில சட்ட திட்டங்களை சர்வதேச அமெச்சூர் சொசைட்டிகள் வடிவமைத்துள்ளன. அவற்றை பல மன்றங்கள் தங்களின் இணைய தளங்களில் தெளிவாக வெளியிட்டுள்ளன. குறிப்பாக ஏ.ஆர்.ஆர்.எல் மன்றம் www.arrl.org/contest-calendar எனும் முகவரியில் இதனை விரிவாக பதிவேற்றம் செய்துள்ளது. மற்றொரு குழுவான ஹார்னுகோஃபியா www.hornucopia.com/contestcal எனும் முகவரியில் சற்றே விரிவாக விளக்கியுள்ளது. அது மட்டுமல்லாது, QST மாத இதழும்,Contest Corral எனும் தலைப்பில், ஹாம் போட்டிகளை மையப்படுத்திய தொடரை வெளியிட்டு வருகிறது.

மிக முக்கியமாக ஹாம் வானொலி போட்டியில் அனைவரும் ஆங்கிலத்தில் சரளமாக பேசுவர் என்று மட்டும் எண்ணிவிட வேண்டாம். பல நாடுகளில் உள்ள ஹாம்களுக்கு தங்களின் இருப்பிடம், அழைப்புக் குறியீடு, சிக்னல் ரிப்போர்ட் மட்டுமே ஆங்கிலத்தில் கொடுக்கத் தெரியும், மற்றவற்றை அவர்களிடம் கேட்டாலும் பதில் கிடைக்காது. அதனால் தான் பொதுவான மொழியாக ‘க்யூ’ குறியீடுகள் பயன்படுத்தப்படுகிறது. இந்த க்யூ குறியீடுகள் துணை கொண்டு மொழி தெரியாத நாட்டினருடனும் எளிதாக தொடர்புகொண்டு விபரங்களைப் பெற்றுக்கொள்ள முடிகிறது.