பன்முகப் பார்வையில் வத்திகான் வானொலி

 

30 ஆண்டுகளைக் கொண்டாடும் WRMI வானொலி

 

அமெரிக்காவின் டெக்சாஸ் மாகாணத்தில் சிற்றலை ஒலிபரப்பு பற்றிய ஜெஃப் வைட்டின் ஆர்வம் ஏப்ரல் 7ஆம் தேதியில், இந்தியாவின் பூனாவில் உள்ள அட்வென்டிஸ்ட் வேர்ல்ட் ரேடியோவில் இருந்து தொடங்கியது என்றால் நம்ப முடிகிறதா? ஆரம்பகாலத்தில் DX நிகழ்ச்சி என்றால் என்னவென்றே இவர்களுக்குத் தெரியாது. தாமதமான அஞ்சல் ஒலிபரப்பை KCBI வானொலியில் ஒலிபரப்பியதாக அந்த நிகழ்ச்சியின் இறுதியில் குறிப்பிடுவார்கள். அந்த நேரத்தில் நிகழ்ச்சியின் தலைப்பு “ரேடியோ மானிட்டர்ஸ் இன்டர்நேஷனல்”, AWR ஸ்டுடியோவானது புறநகர் பூனாவில் அமைந்திருந்தது, மேலும் KCBI நிலையத்திலிருந்து ஒலிபரப்பானது Radio Earthஇன் அனுசரணையில் அக்டோபர் 1985இல் சில வாரங்களுக்கு ஒலிபரப்பப்பட்டது இங்கு குறிப்பிடத்தக்கது என்கிறார் ஜெஃப் வைட்.

Radio Earthஇல் நாங்கள் ஒருபோதும் ஒரு சிறப்பு நிகழ்ச்சியைச் செய்ததில்லை என்பது எங்களுக்குத் தோன்றியது, மேலும் இது எங்களின் வானொலிப் பற்றியச் சுவாரஸ்யமான கதையாகும், இது உண்மையில் சொல்லப்பட வேண்டியதாகும், ஏனெனில், நான் முதலில் சிற்றலை வானொலியின் நேயர். ஒரு வகையில், WRMI மூலம் நான் இன்று இருக்கும் இடத்திற்கு எப்படி வந்தேன் என்பதற்கான பாதையையும் இந்தக் கட்டுரை விளக்குகிறது. 

லாஸ் ஏஞ்சல்ஸில் உள்ள ரே ராபின்சன் இன்னும் இது பற்றிக் விரிவாகக் கூறும் பொழுது, "Radio Earth பற்றிய யோசனை 1978இல் ஜெஃப் வைட் மற்றும் ஜான் பீபே ஆகியோருக்கு இடையேயான உரையாடலுடன் தொடங்கியது, அந்த நேரத்தில் இருவரும் இல்லினாய்ஸில் உள்ள டிகால்பில் கல்லூரி மாணவர்களாக இருந்தனர். அவர்கள் இருவரும் DeKalbஇல் WNIU-FMஇன் வானொலி செய்தி நிருபர்களாகவும் பகுதி நேரமாகப் பணியாற்றினர். ஒரு நாள் அவர்கள் செய்தி அறையைச் சுற்றி அமர்ந்து அரட்டை அடித்துக் கொண்டிருந்தபோது, ​​அவர்கள் இருவருமே சிற்றலை வானொலிகளைக் கேட்பவர்கள் என்பதைக் தெரிந்து கொண்டனர், மேலும் வணிக ரீதியாக சிற்றலை வானொலியை உருவாக்கும் ஜெஃப்பின் யோசனையால் ஜானும் ஆர்வமாக இருந்தார்."

அத்தகைய நிலையத்தைத் தொடங்குவதற்கு என்ன தேவை என்பதை அவர்கள் தீவிரமாக ஆராயத் தொடங்கினர், மேலும் இரண்டு நண்பர்களின் உதவியைப் பெற்றனர்:

மைக்கேல் பவுலோஸ், இல்லினாய்ஸ் எவன்ஸ்டனில் வழக்கறிஞராக இருந்தவர் மற்றும் WNIU-FMஇல் தலைமைப் பொறியாளராக இருந்த ஜான் ஃப்ரெபெர்க்.

அடுத்த ஐந்து ஆண்டுகளில், அவர்கள் ஆயிரக்கணக்கான மணிநேரங்களை பொது நூலகங்களில் ஆராய்ச்சி செய்து, அறிக்கைகள் மற்றும் முன்மொழிவுகளை எழுதுதல்  மற்றும் விளம்பரம், பொறியியல், சட்டம் மற்றும் நிரலாக்க விஷயங்களைப் பற்றி தெரிந்துகொள்ளப் பலரைச் சந்தித்தனர்.

கரீபியன் தீவில் ஒரு வணிக ரீதியிலான சிற்றலை நிலையத்தை உலகம் முழுவதும் ஒலிபரப்ப வைப்பதே அவர்களின் இலக்காக இருந்தது.   ஏழு 100 கிலோவாட் டிரான்ஸ்மிட்டர்கள் மற்றும் ஏழு TCI Log Periodic ஆண்டெனாக்கள் வெவ்வேறு திசைகளில் ஒலிபரப்புச் செய்ய மொன்செராட்டிடம் இருந்து வாய்மொழி அனுமதியைப் பெற்றனர். பின்னர் அவர்கள் முதலீட்டாளர்களைக் கண்டுபிடிக்க வேண்டியிருந்தது, இது மிகவும் கடினமாக இருந்தது எனலாம்.

டொமினிகன் குடியரசில் உள்ள Radio Clarin சிற்றலை சேவையின் இயக்குனரான ரூடி எஸ்பினல், Radio Earth குழுவில் சேர்ந்தார், மேலும் Radio Earth நிகழ்ச்சிகளை Radio Clarinஇன் 50 கிலோவாட் சிற்றலை  டிரான்ஸ்மிட்டர் மூலம் சாண்டோ டொமிங்கோவில் ஒலிபரப்புச் செய்வதற்கான ஒப்பந்தத்தைப் பெறுவதில் அவர் மிகவும் உதவியாக இருந்தார்.  அவர்கள் ஒலிபரப்பைத் தொடங்குவதற்கு முன்பே .

மொன்செராட்டில் தங்கள் சொந்த நிலையத்தை உருவாக்கவும் திட்டமிட்டனர்.

பின்னர் மே 1983இல், Radio Earth  குராக்கோ டூரிஸ்ட் பீரோ மற்றும் பல ஹோட்டல்களை வைத்திருக்கும் கம்பெனியிடமிருந்து விளம்பர ஒப்பந்தங்களைப் பெறுவதில் வெற்றி பெற்றது. எனவே, தெற்கு கரீபியனில் உள்ள டச்சு நாட்டுக்கு சொந்தமான தீவில் ஒரு ஸ்டுடியோவை அமைக்க அவர்கள் முடிவு செய்தனர், அங்கு அவர்கள் "தி வேர்ல்ட்" என்ற தலைப்பில் தங்கள் முதல் நிகழ்ச்சியை பதிவு செய்தனர், பின்னர் ஒவ்வொரு நாளும் (திங்கள் முதல் சனிக்கிழமை வரை) ஒலிபரப்புவதற்காக சாண்டோ டொமிங்கோ வரை ஒலி நாடாக்களை அனுப்பி வந்தனர்.  ரேடியோ கிளாரினின் சிற்றலை  டிரான்ஸ்மிட்டர் மூலம் 11700 kHzல் அந்த நிகழ்ச்சி ஒலிபரப்பானது.

ஜெஃப் ஒயிட் குராக்கோவிற்கு நிகழ்ச்சியை வழங்க ஒப்புக்கொண்டார், ஆனால் ஒவ்வொரு நாளும் ஒரு சிறந்த தரமான ஒரு மணி நேர நிகழ்ச்சியைத் தயாரிக்க ஒன்றுக்கும் மேற்பட்ட நபர்கள் தேவைப்படும் என்பதால், WNIU செய்தித் தொடர்பாளராக இருந்த  மற்றொரு முன்னாள் வானொலி தயாரிப்பாளரான மாட் பெல்லையும் இணைத்துக் கொண்டார். அவர்கள் சிகாகோவிலிருந்து குராக்கோவிற்கு ஸ்டுடியோ உபகரணங்களை அனுப்பி, குராசோ ஹில்டன் ஹோட்டலில் கலையகத்தை அமைத்தனர்.

மாட் மற்றும் ஜெஃப் இணைந்து நிகழ்ச்சியை தொகுத்து வழங்கினர், அதில் பல்வேறு செய்தி அறிக்கைகள் மற்றும் நேர்காணல்கள், ஐரோப்பாவில் இருந்து டேவிட் மான்சன் பங்களித்த ஒலிக்கீற்றுக்கள், வெள்ளிக்கிழமைகளில் நேயர் கடித நிகழ்ச்சி, மற்றும் சனிக்கிழமைகளில் தகவல் தொடர்பு சார்ந்த “உரையாடல்” நிகழ்ச்சிகள் இங்கு குறிப்பிடத்தக்கது.

(தொடரும்)

லொயோலா கல்லூரி: வானொலிப் பயிற்சிப் பட்டறை

 

சமீபத்தில் லொயோலா கல்லூரி மாணவர்களுடன் வானொலித் தொடர்பான ஒரு பயிற்சிப்பட்டறைக்கு (Sound Stories: The Power of Audio Narratives) செல்லும் வாய்ப்பு பேரா.ரிஜிதா அவர்களால் ஏற்பாடு செய்யப்பட்டு இருந்தது. சிறப்பானதொரு நாள் எனலாம். பேரா.உமா ஷக்தி அவர்களையும் நீண்ட நாட்களுக்குப் பிறகு சந்திக்கும் வாய்ப்பு!

இன்றைய மாணவர்கள் மத்தியில் வானொலி எப்படியான தாக்குதலை ஏற்படுத்தியுள்ளது? அவர்கள் வானொலியிலிருந்து என்ன எதிர்பார்க்கிறார்கள்? எந்த வகையான பாட்காஸ்டினை அவர்கள் விரும்பிக் கேட்கிறார்கள்? போன்றத் தகவல்களையும் அறிந்துகொள்ள முடிந்தது. கற்றுக்கொண்டே இருப்பவர்களே, உண்மையான ஆர்வலர்கள்!

இயக்குநர் பேரா.சார்லஸ் துறை அவர்கள் இடைக்காட்டூர் பற்றியும், அங்கு அமைந்துள்ள மிக முக்கிய தேவாலயம் பற்றியும் பேசிக்கொண்டோம். அடுத்த பயணத்திற்கும் இதன் ஊடாகத் திட்டமிட்டோம்!

News on Air துணை கொண்டு மாணவர்களுக்குக் குரல் பயிற்சியும் வழங்கப்பட்டது. என்ன ஒரு ஆர்வம். நிறைவில் போஸ்ட்கிராஸிங் தொடர்பாக ஒரு வானொலி நிகழ்ச்சிக்கும் யோசனை கொடுக்கப்பட்டது. பேரா.உமா ஷக்தியின் "பணிப்பாலைப் பெண்" புத்தகத்தோடு விடைபெற்றேன்.

உலகமெலாம் தமிழோசையில் நானும் இணைகிறேன்!

 

இலங்கை வானொலி ஒரு நேரலை நிகழ்ச்சியை புலம்பெயர் தமிழ் வானொலிகளோடு சம காலத்தில் இணைத்து ஒலிபரப்புகிறது. 

"வாரம் ஒரு வலம்" என்ற இந்த வாராந்த நிகழ்ச்சி நாளை (1-6-2024)  முதல்  பிரதி சனிக்கிழமைகளில் இரவு 7.00 மணி முதல் 8.00 மணி வரை ஒலிபரப்பாகும்.  

இணையும் உலகத் தமிழ் வானொலிகள்:

Australia: Australian Tamil Broadcasting Corporation (ATBC).

Canada, Toronto: Canadian Tamil Broadcasting Corporation (CTBC).

Canada, Toronto: Thalam FM.

Canada, Montreal: Time FM.

France, Paris: International Tamil Broadcasting Corporation (ITBC).

Germany, Hamm: European Tamil Radio (ETR).

Norway, Bergen: Then Tamil Osai (TTO).

Switzerland: Thalam FM

England, Athavan FM / IBC Tamil.

Sir Lanka: SLBC

முதல் நிகழ்ச்சியில் சிரேஶ்ட ஊடகவியலாளர் என்ற விதத்தில் இளையதம்பி தயானந்தாவுடன் தமிழகத்தில் இருந்து நானும் இணைகிறேன்.

முதல் முறையாக 10 உலகத் தமிழ்  வானொலிகளில் ஒரே நேரத்தில் ஒலிக்கவுள்ள இந்த நிகழ்ச்சியைக் கேட்கத் தவறாதீர்கள். இணையத்தில் கேட்க

கிரிஸ்டல் ரேடியோ டிஆர்எம்மை சந்தித்த போது!

 

4 மே 2024 அன்று, டாக்டர் மோகன் நடராஜன் (VU3CUU), நக்கீரன், வாய்ப்பாடி குமார், ராஜா (VU3LJX), மற்றும் டாக்டர் ஜெய்சக்திவேல் (VU3UOM) உள்ளிட்ட டிஜிட்டல் ரேடியோ மொண்டியேல் (DRM) ஆர்வலர்கள் குழு அகில இந்திய வானொலிக்கு அருகிலுள்ள மெரினா கடற்கரையில் கூடியது.  டிஆர்எம் வானொலியின் எதிர்கால வாய்ப்புகள் பற்றி விவாதிக்கப்பட்டது. 

ஒரு சுவாரஸ்யமான திருப்பமாக, டாக்டர் ஜெய்சக்திவேல் நவீன டிஆர்எம் கருவிகளுடன் விண்டேஜ் கிரிஸ்டல் ரேடியோவைக் காட்சிப்படுத்தினார், இது ரேடியோ தொழில்நுட்பத்தின் பரிணாமத்தை விளக்குகிறது.  கிரிஸ்டல் ரேடியோக்கள் மின்சார சக்தி இல்லாமல் இயங்குகின்றன, சுற்றுப்புற ரேடியோ அலைகளிலிருந்து ஆற்றலைப் பயன்படுத்துகின்றன.

இதைத் தொடர்ந்து, டாக்டர் மோகன் தனது மாருதி சுஸுகி காரில் உள்ள டிஆர்எம் ரேடியோவை பற்றி விளக்கினார். ஆச்சர்யமாக, பண்பலையில் பல சமுதாய வானொலிகளும் கிடைத்தன.  இந்த கூட்டத்தை டிஆர்எம் வானொலிக்காகவே அர்ப்பணிக்கப்பட்ட தமிழ் வாட்ஸ்அப் குழுவை நிர்வகித்து வரும் வாய்ப்பாடி குமார் ஏற்பாடு செய்திருந்தார்.  (ஜெய்சக்திவேல்)

ரெட்ரோ வானொலி

 

ஆஸ்திரேலியாவில் உள்ள ஒரு போஸ்ட்கிராஸரிடமிருந்து இந்த வானொலித் தொடர்பான அஞ்சல் அட்டைகளைப் பெறுவதற்கு வசதியை ஏற்படுத்திக் கொடுத்த  போஸ்ட்கிராசிங் மன்றத்திற்கு எனது மனமார்ந்த நன்றியைத் தெரிவித்துக் கொள்கிறேன்.

இவற்றை நேரடியாக ஆஸ்திரேலிய அஞ்சல் துறையிலிருந்து  வாங்குவதற்கு ஏறக்குறைய ₹3,000 செலவு செய்திருக்க வேண்டும். அது மட்டுமல்லாமல் சுங்க வரியையும் கட்டியிருக்க வேண்டும். ஆனால் போஸ்ட்கிராஸிங்கின் மூலம் கிடைத்த நண்பரின் உதவியால், வெறும் ₹75-க்கு அவற்றைப் பெற முடிந்தது.
நன்றி, யூரி,
போஸ்ட்கிராசிங் மன்றத்திற்கும் நன்றி!

அந்த அஞ்சல் அட்டைகளின் விவரங்கள் இங்கே:

எச்எம்வி கேப்ரைஸ், 1961

பிரபலமான HMV கேப்ரைஸ் 1961 இல் வெளியிடப்பட்ட ஒரு லோ-பாய் யூனிட் ஆகும். இது ஒரு ஸ்டீரியோகிராமும் ஆகும். இந்த வானொலிப் பெட்டி நான்கு வால்வு பெருக்கிகளைக் கொண்டுள்ளது, AM வானொலி மற்றும் BSR தானியங்கி டர்ன்டேபிள் ஆகியவற்றையும் கொண்டுள்ளது.

கிரைஸ்லர் மாஸ்டர் மல்டி சோனிக், 1966

1966 கிரைஸ்லர் மாஸ்டர் மல்டி சோனிக் ஒரு ஹை-ஃபிடிலிட்டி, டாப்-ஆஃப்-லைன் ஸ்டீரியோகிராம் ஆகும். இது ஒரு பிளக்-இன் மைக்ரோஃபோன், எட்டு-வால்வு பெருக்கிகள் மற்றும் ஒரு கரார்ட் முழு-தானியங்கி டர்ன்டேபிள் ஆகியவற்றை உள்ளடக்கியது.

AWA B28 போர்ட்டபிள், 1963

1963 வெளிர்-இளஞ்சிவப்பு AWA B28 ஒரு போர்ட்டபிள் மற்றும் மின்கலம் மூலம் இயக்கப்படும் மோனோ ரெக்கார்ட் பிளேயர் ஆகும், இது இளைஞர்களுக்கு விருப்பமான ரெக்கார்ட் பிளேயர் ஆகும்.  உயர்தரப் பொருளாக இல்லாவிட்டாலும், இது AWAஇன் உள்நாட்டில் தயாரிக்கப்பட்ட டிரான்சிஸ்டரை உள்ளடக்கியுள்ளது.  AWA (Amalgamated Wireless Australasia Ltd) ஆஸ்திரேலியாவில் டிரான்சிஸ்டர் வானொலியைத் தயாரித்த முதல் உற்பத்தியாளர்கள் இவர்கள் என்பது இங்குக் குறிப்பிடத்தக்கது.  (ஆஸ்திரேலியா போஸ்ட்)

வானொலிப் பெட்டிகளைக் கொண்ட அருங்காட்சியகம்

 

சமீபத்தில் எழும்பூரில் உள்ள காவல்துறை அருங்காட்சியகத்திற்கு செல்ல வாய்ப்பு கிடைத்தது. என்ன ஒரு ஆச்சர்யம், அங்கு ஏராளமான VHF, HF வானொலிப் பெட்டிகள் கண்காட்சிக்கு வைக்கப்பட்டு இருந்தது. அதில் வால்வ் வானொலி பெட்டி மற்றும் கிராமபோன் பெட்டியும் உள்ளடக்கம்.

மிக முக்கியமாக நம்நாட்டிலேயேத்  தமிழகப் போலீஸாரால் தயாரிக்கப்பட்ட "வான்தந்தி" வானொலிப் பெட்டியும் இதில் அடங்கும். வாய்ப்பு கிடைத்தால் சென்று வாருங்கள்.

#வான்தந்தி